နှလုံးသားလေး မနာကျင်ကြစေဖို့

ကမ္ဘာကြီးဖွံ့ဖြိုးတိုးတက်လာသည်နှင့်အမျှ လူတွေရဲ့ နေထိုင်စားသောက်မှုပုံစံတွေဟာလည်း ပြောင်းလဲလာပါတယ်။ ထိုအခါ ရောဂါအပေါင်းဟာလဲ မဖိတ်ခေါ်ဘဲနဲ့ဝင်ရောက်လာကြပါတယ်။ အထူးသဖြင့် Life Style ပြောင်းလဲခြင်းကြောင့် ဖြစ်ပွါးရသော ရောဂါတွေထဲမှာ နှလုံးရောဂါ ၊ သွေးတိုးရောဂါတွေဟာ လူသားတွေရဲ့ အသက်ကိုခြိမ်းခြောက်နေပါတယ်။ Heart Attack လို့ခေါ်တဲ့ နှလုံးရောဂါကြောင့် ဆုံးရှုံးခဲ့ကြရတဲ့ အသက်ပေါင်းဟာလဲ မနဲလှပါဘူး။ စက္ကန့် ၊ မိနစ်နဲ့အမျှ သေဆုံးနေကြပါတယ်။ ဒါကြောင့် နှလုံးသားလေးတွေ ကျန်းမာကြစေဖို့ ၊ မနာကြင်ကြရစေဖို့ နှလုံးသွေးငတ်ခြင်း ( AMI - Acute Myocardial Infarction ) ၊ နှလုံးသွေးကြောကျဉ်းရောဂါ သို့မဟုတ် Heart Attack ကြောင်းကို တင်ပြပေးလိုက်ပါတယ်။

နှလုံးသွေးငတ်ခြင်း ( AMI ) ဆိုတာဘာလဲ
နှလုံးသွေးငတ်ခြင်း ( AMI - Acute Myocardial Infarction ) ကို များသောအားဖြင့် Heart Attack လို့သိကြပါတယ်။ Myocardial Infarction ဆိုတာ Myocardium ( နှလုံးကြွက်သား ) နှင့် Infarction (သွေးငတ်ခြင်းကြောင့် ကြွက်သားများသေဆုံးခြင်း ) ဆိုတဲ့ စကားလုံးက တဆင့်လာခြင်းဖြစ်ပါတယ်။ တစ်ခါတစ်ရံမှာ AMI ကြောင့်မဟုတ်ဘဲ ၊ Sudden Cardiac Death ကဲ့သို့ အခြားနှလုံးရောဂါကြောင့် ရုတ်တရက်သေဆုံးခြင်းများကိုလဲ Heart Attack လို့ ခေါ်ဝေါ်သုံးစွဲနေကြပါတယ်။ ကျွန်တော်တို့ပတ်ဝန်းကျင်မှာ နေ့စဉ်နှင့်အမျှ Heart Attack ကိုခံစားနေရတဲ့ လူနာတွေကို တွေ့နေပါတယ်။ Infarction ဘာကြောင့်ရသလဲဆိုရင် နှလုံးကြွက်သားတွေ ဆီကိုအောက်စီဂျင်သယ်ဆောင်ပေးတဲ့ သွေးကြောလေးတွေ ( Coronary Arteries ) ပိတ်ဆို့မှုကြောင့် နှလုံးကြွက်သားတွေမှာ သွေးလုံလောက်စွာမရသောကြောင့်ဖြစ်ရတာပါ။ သွေးလုံလောက်စွာမရတဲ့အခါ ကြွက်သားတွေနာကြင်လာပါတယ်။နောက်ဆုံးတွင် သွေးလုံးဝမရတော့သည်အထိဆိုးဝါးလာပြီဆိုရင်တော့ ကြွက်သားဆဲလ်တွေသေဆုံးသွားကြပါတယ်။ ထိုအခါ နှလုံးရဲ့လုပ်ဆောင်မှုတွေချို့ယွင်းလာပါတယ်။ နောက်ဆုံး လုံးဝရပ်တန့်သွားပြီး အသက်ဆုံးရှုံးရပါတော့တယ်။ ဆေးလိပ်သောက်ခြင်း ၊ သွေးထဲမှာ အဆီဓါတ်များခြင်းတွေဟာ ဒီရောဂါကိုဖြစ်စေတဲ့အကြောင်းထဲမှာပါဝင်ပါတယ်။ ဆေးလိပ်သောက်ခြင်းကြောင့် နှလုံးသွေးကြောနံရံလေးတွေ ပျက်ဆီးပြီး ၊ အဆီခဲလေးတွေကြောင့် သွေးကြောတွေပိတ်ဆို့ရပါတယ်။ ဒီလို အဆီခဲများ ( Cholesterol ) နှင့် Fibrous Tissue လေးတွေ စုပုံပိတ်ဆို့မှုကို Atherosclerosis လို့ခေါ်ပါတယ်။ ဒီလိုစတင်ပိတ်ဆို့လာပြီဆိုရင် လူုနာဟာ ရင်ဘတ်အောင့်လိုက်တာ ဆိုပြီး ခံစားရတတ်ပါတယ်။ ဒါကို Angina Pectoris လို့ခေါ်ပါတယ်။ အစပိုင်းမှာ အောင့်လိုက်ပျောက်လိုက်ပါ။ တဖြည်းဖြည်း သွေးကြောပိတ်တဲ့ ပမာဏပိုများလာတာနဲ့အမျှ ရင်ဘတ်အောင့်တဲ့အကြိမ်အရေအတွက် ၊ အောင့်တဲ့ အချိန်ကြာမြင့်စွာခံစားရတတ်ပါတယ်။ နောက်ဆုံးမှာတော့ Heart Attack ကိုခံစားရပါတော့တယ်။

ဖြစ်ပွားမှုနှုန်း
၁၉၉၂ ခုနှစ် ကမ္ဘာ့ကျန်းမာရေးအဖွဲ့ကြီးရဲ့ ခန့်မှန်းချက်အရ တစ်ကမ္ဘာလုံးသေဆုံးမှုများရဲ့ ၁၂.၆ ရာခိုင်နှုန်းဟာ နှလုံးသွေးငတ်မှုကြောင့် ဖြစ်ပါတယ်။ ခုခံအားကျဆင်းမှုရောဂါနှင့် အသက်ရှုလမ်းကြောင်းရောဂါများပြီးလျှင် တတိယမြောက်အဖြစ်အများဆုံးရောဂါဖြစ်ပါတယ်။ ကင်ဆာကြောင့် သေဆုံးမှုများထက်ပင် ပိုများပါတယ်။ အမေရိကန်ပြည်ထောင်စုတွင် လူ ၅ ယောက်သေဆုံးလျှင် တစ်ယောက်မှာ နှလုံးသွေးကြောရောဂါကြောင့်ဖြစ်ပါတယ်။ ဒီရောဂါဟာ အသက်အရွယ်မရွေးဖြစ်တတ်ပါတယ်။ အသက်ကြီးလာတာနဲ့အမျှ ရောဂါဖြစ်ဖို့အတွက် အခွင့်အလမ်းပိုများလာပါတယ်။

ဘယ်လိုလူမျိုးတွေမှာအဖြစ်များလဲ
နှလုံးသွေးကြောလေးတွေပိတ်ဆို့တဲ့ Atherosclerosis ကြောင့် နှလုံးသွေးငတ်ခြင်းဖြစ်ရတာမို့လို့ အောက်မှာဖော်ပြထားတဲ့ အချက်တွေဟာ AMI ဖြစ်စေတဲ့ အဓိက ကြောင်းအရင်းခံတွေပဲဖြစ်ပါတယ်။
၁။ ငယ်ရွယ်သူများထက်စာလျှင် အသက်ကြီးသောသူတွေမှာပိုအဖြစ်များပါတယ်။
၂။ ယောက်ကျားလေးတွေမှာ အဖြစ်ပိုများပါတယ်။
၃။ ဆေးလိပ်သောက်ခြင်း ။
၎။ သွေးထဲတွင်အဆီဓါတ်များနေခြင်း ( Hyperlipoproteinemia ) - အထူးသဖြင့် ကျန်းမာရေးအတွက် အထောက်အကူပြုတဲ့ HDL - High Density Lipoprotein တွေနဲနေပြီး ၊ အကျိုးမပြုတဲ့ LDL- low Density Lipoprotein တွေများနေခြင်းဖြစ်ပါတယ်။
၅။ သွေးတိုးရောဂါရှိသူများ ။
၆။ ဆီးချိုရောဂါရှိသူများ။
၇။ အ၀လွန်သောသူများ ။
၈။ ယခင်က နှလုံးသွေးကြောရောဂါရှိဖူးသူများ ၊ လေဖြတ်ဖူးသူများ ( Stroke )။
၉။ မကြာခဏ ရင်ဘတ်အောင့်လေ့ရှိသူများ ( Angina ) ။
၁၀။ စိတ်ဖိစီးမှုများသောသူများ ။
၁၁။ သန္ဓေတားဆေး ( Oral Contraceptive Pills ) သုံးစွဲနေသော အမျိုးသမီးများ။
၁၂။ မိသားစုထဲတွင် သွေးတိုးနှင့် နှလုံးသွေးကြောရောဂါရှိသူများ ။

နှလုံးသွေးကြောဖွဲ့စည်းမှုနှင့် သွေးကြောကျဉ်းခြင်း
ကိုယ်ခန္ဓာအင်္ဂါအစိတ်အပိုင်းအသီးသီးအတွက် အောက်စီဂျင်နဲ့ အာဟာရဓါတ်တွေလုံလောက်စွာရရှိဖို့အတွက် နှလုံးနှင့် သွေးကြောအဖွဲ့အစည်းက သွေးကိုသယ်ဆောင်ပေးကြပါတယ်။ ထို့အတူ နှလုံးကိုယ်တိုင်လဲ သွေးလိုအပ်ပါတယ်။ နှလုံးကြွက်သားတွေဆီကို သွေးသယ်ဆောင်ပေးတဲ့ သွေးကြောလေးတွေကိုတော့ Coronary Arteries လို့ခေါ်ပါတယ်။ ဒီသွေးကြောလေးတွေဟာ သွေးလွှတ်ကြောမကြီး Aorta ကနေထွက်လာပြီး နှလုံးရဲ့ သက်ဆိုင်ရာ အစိတ်အပိုင်းတွေဆီကို သွေးသယ်ဆောင်ပေးပါတယ်။ အဓိကအားဖြင့် Coronary Arteries နှစ်ချောင်းရှိပါတယ်။ နှလုံးရဲ့ ညာဘက်အခြမ်းကို သွေးပို့ဆောင်ပေးတဲ့ Right Coronary Artery ၊ ဘယ်ဘက်အခြမ်းကို သွေးပို့ဆောင်ပေးတဲ့ Left Coronary Artery တို့ပဲဖြစ်ပါတယ်။ Left Coronary Artery ကနေ Circumflux Artery နှင့် Anterior Descending Artery ဆိုပြီး သွေးကြောနှစ်ချောင်းထပ်မံခွဲထွက်သွားပါတယ်။

နှလုံးသွေးကြောများ

သွေးကြောအသီးသီးက သွေးပို့ဆောင်ပေးတဲ့ နှလုံးအစိတ်အပိုင်းတွေကတော့ -
၁။ Right Coronary Artery - ညာဘက်သွေးဝင်ခန်းနှင့် သွေးလွှတ်ခန်း ၊ ဘယ်ဘက်သွေးလွှတ်ခန်း အောက်ဘက်ပိုင်း ၊ နှလုံးအခန်းတွေကိုပိုင်းခြားထားပေးတဲ့ နံရံ ( Septum ) တွေရဲ့ အနောက်ဘက်အပိုင်း ။
၂။ Circumflux Artery - ဘယ်ဘက်သွေးဝင်ခန်း ၊ ဘယ်ဘက်သွေးလွှတ်ခန်း ဘေးဘက်နှင့် အနောက်ဘက်အပိုင်း ။
၃။ Anterior Descending Artery - ဘယ်ဘက်သွေးလွှတ်ခန်း အရှေ့ ဘက်နှင့် အောက်ဘက်ပိုင်း ၊ Septum တွေရဲ့ အရှေ့ ဘက်ပိုင်း ။
နှလုံးသွေးကြောလေးတွေ ကျဉ်းမြောင်းပိတ်ဆို့သွားမယ်ဆိုရင် ဒီသွေးကြောလေးတွေက သွေးပို့ဆောင်ပေးတဲ့ သက်ဆိုင်ရာ နှလုံးကြွက်သားလေးတွေဟာ သွေးလုံလောက်စွာမရရှိကြတော့ပါဘူး။ သွေးကြော ပိတ်ဆို့မှုဟာ မိနစ် ၂၀ မှ ၄၀ ထိကြာသွားမယ်ဆိုရင်တော့ နှလုံးကြွက်သားတွေသေဆုံးသွားနိုင်ပါတယ်။ နှလုံးကြွက်သားတွေ ပြန်လည်ကောင်းမွန်မှာမဟုတ်တော့ပါဘူး ။ သွေးမရတဲ့အချိန်ပိုကြာလေ သေဆုံးတဲ့ကြွက်သား ပမာဏပိုများလေဖြစ်သည်။ ဒါကြောင့် Time Is Muscle လို့ဆိုရိုးရှိပါတယ်။ သေဆုံးသွားတဲ့ ကြွက်သားတွေနေရာမှာ အနာရွတ် Fibrous တစ်ရှုးတွေနဲ့အစားထိုးပေးပါတယ်။ နှလုံးကြွက်သားများ အလုပ်လုပ်ဖို့အတွက် လိုအပ်တဲ့ လျှပ်စစ်ဓါတ်တွေဟာ ဒီအမာရွတ်တစ်ရှုးတွေကိုဖြစ်သန်းပြီး မစီးဆင်းနိုင်တော့ပါဘူး ။ ထိုအခါနှလုံးရဲ့လုပ်ဆောင်မှုတွေဟာ စည်းဝါးပျက်ပြီး နှလုံးခုန်တဲ့ ပုံစံမမှန်တော့ပါဘူး ။ ဒါကို Arrhythemia လို့ခေါ်ပါတယ်။ ဒီအခြေအနေဟာ အလွန်ကြောက်ဖို့ကောင်းပါတယ်။ နှလုံးခုန်တဲ့ပုံစံမမှန်တော့တဲ့အခါ ခန္ဓာကိုယ်အစိတ်အပိုင်းတွေက လိုအပ်တဲ့သွေးပမာဏကို နှလုံးက မညှစ်ထုတ်ပေးနိုင်တော့ပါဘူး ။ အင်္ဂါအစိတ်အပိုင်းတွေဟာ သွေးလုံလောက်စွာမရတော့ပါဘူး ။ ဒါကို Cardiogenic Shock လို့ခေါ်ပါတယ်။ ဒီအခြေအနေဟာ အသက်အန္တရာယ်ကိုပင် စိုးရိမ်ရပါတယ်။

သွေးကြောပိတ်ဆို့နေပုံ

ရောဂါလက္ခဏာများ
Heart Attack ရပြီဆိုရင် အောက်ပါလက္ခဏာတွေကို ခံစားရပါတယ်။-
၁။ ရင်ဘတ်အောင့်ခြင်း ( Chest Pain ) - ရင်ဘတ်အောင့်တာဟာ Heart Attack မရခင် ကြွက်သားတွေသွေးလုံလောက်စွာမရကတည်းက ခံစားရတဲ့ ရှေးဦးလက္ခဏာတစ်ခုပါ ။ အောင့်လိုက် ပျောက်လိုက်နဲ့ကာလအတော်ကြာခံစားလာရပါတယ်။ အောင့်တဲ့ပုံစံက ရင်ဘတ်ပေါ်မှာ အလေးတုံးဖိထားသလို ၊ နှလုံးကို ဖျစ်ညှစ်ထားသလို ခံစားရပါတယ်။ ရင်ဘတ်မှာအောင့်ပြီး ဘယ်ဘက်ပခုံးထိပ် ၊ တစ်ခါတစ်ရံ လက်ဖျားအထိ ၊ လည်ပင်းနဲ့ မေးရိုးတွေဆီကိုလဲ နာကျင်မှုဟာ ပျံ့သွားတတ်ပါတယ်။ နောက်ကျောဘက်အောင့်ခြင်းကိုလဲ ခံစားရပါတယ်။
နာကျင်မှုခံစားရသောနေရာများ
အနောက်ဘက်

၂။ အသက်ရှုခက်ခဲခြင်း ( Dyspnoea ) ။
၃။ ချွေးစေးများပျံခြင်း ။
၎။ ပျို့အန်ခြင်း ။
၅။ မူးမေ့ခြင်း ။
၆။ ရင်တုန်ခြင်း ( Palpitation ) ။
ရ။ ခြေဖျားလက်ဖျားများ အေးစက်နေခြင်း ။
နောက်ဆုံးတွင် ရုတ်တရက်သေဆုံးခြင်းများ ဖြစ်တတ်ပါတယ် ။

ဘယ်လိုသိနိုင်လဲ
အထက်ဖော်ပြပါ ရောဂါလက္ခဏာတွေအပြင် အခြားသောစမ်းသပ်စစ်ဆေးခြင်းများဖြင့်လဲသိရှိနိုင်ပါတယ်။
၁။ ECG - Electrocardiogram
ECG ကိုတော့လူတိုင်းသိပြီးသားဖြစ်ပါတယ် ။ နှလုံးကြွက်သားများအတွင်း ဖြတ်သန်းစီးဆင်းနေတဲ့ လျှပ်စစ်ဓါတ်ကို ပုံဖော်မှတ်တမ်းတင်ထားပေးတာဖြစ်ပါတယ် ။ လျှပ်စီးလှိုင်းကလေးတွေ ပုံစံပြောင်းလဲမှုကိုကြည့်ပြီး နှလုံးရဲ့လုပ်ဆောင်မှုကိုသိနိုင်ပါတယ်။ Heart Attack ရပြီဆိုရင် ECG ရဲ့ ST အစိတ်အပိုင်းဟာ မြင့်တက်နေနိုင်သလို ၊ နိမ့်ကျနေတတ်ပါတယ်။ T wave ပြောင်းပြန်ဖြစ်နေတာကိုလဲ တွေ့ရတတ်ပါတယ် ( T inversion ) ။ Attack စရတဲ့ အချိန်ပေါ်မှာမူတည်ပြီး တွေ့ရတဲ့ လက္ခဏာတွေဟာလဲမတူပါဘူး ။
၂။ Coronary Angiogram - နှလုံးသွေးကြောများထဲကို ဆေးထိုးပြီး ပိတ်ဆို့နေသော သွေးကြောနေရာကိုရှာဖွေခြင်းဖြစ်ပါတယ်။
၃။ Cardiac Markers - နှလုံးကြွက်သားတွေ ဒဏ်ရာရမယ်ဆိုရင် Creatine Kinase , Troponin I , Lactate Dehydrogenase isozymes လို့ခေါ်တဲ့ဓါတ်တွေကို သွေးထဲမှာ တွေ့ရှိနိုင်ပါတယ်။

ကမ္ဘာ့ကျန်းမာရေးအဖွဲ့၏ ရောဂါသတ်မှတ်ချက် ( WHO criteria )
၁။ မိနစ် ၂၀ ကျော်အောင် ရင်ဘတ်အောင့်ခြင်း။
၂။ ECG လှိုင်းများပြောင်းလဲခြင်း ။
၃။ Cardiac Marker များတွေ့ခြင်း ။
ဒီလက္ခဏာတွေနဲ့ပြည့်စုံမယ်ဆိုရင် MI အဖြစ်သတ်မှတ်နိုင်ပါတယ်။

အရေးပေါ်ကုသခြင်း
Heart Attack ရတယ်ဆိုတာနဲ့ ကြွက်သားတွေဆီ အောက်စီဂျင်မပြတ်စေဖို့အတွက် အရေးပေါ်ကုသမှုတွေလိုအပ်ပါတယ်။ သက်ဆိုင်ရာ ဆေးရုံကိုဆက်သွယ်ပြီး အရေးပေါ်ကားခေါ်ပါ ။ ကားမလာခင် အောက်ပါပြုစုစောင့်ရှောက်မှုများလုပ်ပေးနိုင်ပါတယ်။
၁။ ခန္စာကိုယ်အနေအထား - အသက်ရှုကောင်းမယ့် သက်တောင့်သက်သာပုံစံမျိုးရှိရပါမယ်။
၂။ လေ၀င်လေထွက်ကောင်းအောင် အိမ်တံခါးများဖွင့်ခြင်း ၊ အင်္ကျီကြယ်သီးများဖြုတ်ပေးပါ ။
၃။ အောက်စီဂျင်ရှိပါက ပေးပါ ။
၎။ သွေးခဲခြင်းကို ကာကွယ်ပေးတဲ့ Asprin ကိုတိုက်ကျွေးနိုင်ပါတယ်။ လူနာကဆေးမမြိုချနိုင်ဘူးဆိုရင် လျှာအောက်မှာ ထားပေးနိုင်ပါတယ်။
၅။ သွေးကြောကျယ်စေသော Glyceryl Trinitrate ကို ညွှန်ကြားထားပါက လျှာအောက်မှာ ထဲ့ပြီးငုံထားနိုင်ပါတယ်။
၆။ လူနာဟာ အသက်ရှုရပ်တန့်သွားမယ်ဆိုရင် CPR - Cardiopulmonary Resuscitation လုပ်ပေးရပါမယ်။

ကုသမှုများ
ပိတ်ဆို့တဲ့သွေးကြော ပမာဏပေါ်မူတည်ပြီး ကုသမှုနည်းလမ်းတွေမတူညီပါဘူး ။
၁။ သွေးခဲခြင်းကို ကာကွယ်ပေးသော ဆေးဝါးများ ။
၂။ ပိတ်ဆို့နေသောသွေးကြောနေရာတွင် Stunt ထဲ့ခြင်း ။
၃။ ပိတ်ဆို့နေသော သွေးကြောကိုကျော်လွန်ပြီး သွေးကြောဆက်ပေးခြင်း ( CABG - Coronary Artery Bypass Graft surgery) ။

နောက်ဆက်တွဲဆိုးကျိုးများ
၁။ နှလုံးကောင်းစွာအလုပ်မလုပ်နိုင်တော့ခြင်း ( Heart Failure ) ။
၂။ နှလုံးအလုပ်မလုပ်သောကြောင့် အင်္ဂါများတွင် သွေးမလုံလောက်ခြင်း ( Cardiogenic Shock ) ။
၃။ Arrhythemia ။
၎။ နှလုံးအမြှေးပါးရောင်ရမ်းခြင်း ( Pericarditis ) ။
၅။ သေဆုံးသွားသောနှလုံးကြွက်သားများ ပေါက်ပြဲခြင်း ( Myocardial rupture ) ။

အချုပ်အားဖြင့်ဆိုသော် ဒီနှလုံးသွေးကြောရောဂါကြောင့် အသက်ဆုံးရှုံးခြင်းတွေဟာ အချိန်နဲ့အမျှဖြစ်နေပါတယ်။ ရောဂါဖြစ်ပွားရတဲ့ အခြေခံအချက်တွေထဲမှာ လူနေထိုင်မှု life style ပြောင်းလဲမှုတွေဟာလဲ တစ်ခုအပါအ၀င်ဖြစ်ပါတယ်။ ဒါကြောင့် နှလုံးသားလေးတွေ မနာကြင်ကြစေဖို့ ဆေးလိပ်၊ အရက်သောက်ခြင်းကို ရှောင်ကြဉ်ပါ ။ ကိုယ်လက်လှုပ်ရှားလေ့ကျင့်ခန်းများလုပ်ဆောင်ပါ ။ အဆီများသော အစားအစာများကို မစားပါနှင့် ။ ကိုယ်စိတ်ဖိစီးမှုနဲပါးစေဖို့ တရားထိုင်ခြင်းကဲ့သို့ ဘာသာရေးလိုက်စားမှုများကိုလုပ်ဆောင်ပါ လို့တိုက်တွန်းရင်း လူတိုင်းကျန်းမာချမ်းသာစေကြောင်း ဆန္ဒပြုလိုက်ပါတယ်။ လေးစားစွာဖြင့် -
# Ko Soe Thiha မှ ကူးယူဖော်ပြသည်။

ငယ်ငယ်တုန်းက...

ငယ်ငယ်တုန်းက အရမ်းချစ်ရတဲ့ကောင်လေး၁ယောက်ရှိခဲ့ဘူးတယ်။ ကောင်လေးနာမည်က လင်းညီ ။ ခုနှစ်တန်းတုန်းက အခန်းတူတူဘဲ ၊ ရှစ်တန်းရောက်တော့ အခန်းခွဲသွားတာမတူတော့ဘူး။ အဲဒီတုန်းကဆိုရင် သူနဲ့ ပတ်သက်ရင်ဘာမဆို အရူးထတယ်။ သူ့ အိမ်လိပ်စာရယ် ၊ ဖုန်းနံပတ်ရယ်ကို ကျောင်းတက်နာမည်ခေါ်စာအုပ်ကြီးထဲမှာ သွားကြည့်ရတာ အမော။ ကျောင်းပျော်ပွဲမှာ သူ့ ကိုဓတ်ပုံခိုးရိုက်လို့ သူသိသွားတာ။ သူ့ သူငယ်ချင်းတွေဆိုတာ ကိုယ့်ကိုနောက်လိုက်တာ။ ဟီး ရှက်တယ်။ အဲဒီတုန်းက ဓတ်ပုံရိုက်ပေမဲ့ မရလိုက်ဘူး။ ကံဆိုးလို့ ထင်တယ် ၊ ဖလင်ပျက်သွားတယ်။ ဖလင်ပျက်ပုံက ဒီလို ~ အဲဒီတုန်းကအိမ်ကကင်မရာမယူသွားရဲတော့ သူများဆီက ကင်မရာငှါးလိုက်တာ။ အထာမသိတော့ ဖလင်ကိုဖွင့်မိတယ်။ ပုံနဲနဲဘဲရလိုက်တယ်၊ သူ့ ပုံတော့မရလိုက်ဘူး။ ရိုက်မိတာလဲ၁ပုံထဲ ၊ ပျက်တော့လဲသူ့ ဟာ။ ကံဆိုးပါတယ်။

ကျောင်းတက်ရင်းနဲ့ ကိုးတန်းရောက်သွားရော။ ကိုးတန်းမှာ ကျူရှင်ယူတော့ လူပြည်.သွားလို့ တဲ့ ၊ ကိုယ့်ကိုယ်စားပွဲဝယ်ပြီးတက်ရမယ်တဲ့။ အဲဒါသွားတက်တာပေါ့။ သွားတက်တော့ ဘယ်သူနဲ့ တွေ့လဲသိလား။ အဲဒီကောင်လေးကကိုယ်နဲ့ ကျူရှင်တူတူဘဲ။ ပျော်လိုက်တာ။ ဒါပေမဲ့ သူကဘာသာစုံမယူဘူး။ ဘာဖြစ်လဲ တွေ့ ရတာဘဲ ကျေနပ်တယ်။ ကောင်လေးရဲ့ သူငယ်ချင်း၁အုပ်လုံးပဲ။ ထပ်နောက်ခံရတာပေါ့။ အဲဒီတုန်းကကိုယ့်ဘေးမှာထိုင်တဲ့ကောင်မလေးနဲ့ သူငယ်ချင်းဖြစ်ကြတယ်။ သူက နွယ် ။ အဲဒီနှစ်က မှတ်မှတ်ရရ နေမကောင်းလို့ ဆေးရုံတက်ရတာကို ကောင်လေးသူငယ်ချင်းတွေက "မင်းလုပ်လိုက်လို့ သူဆေးရုံတက်ရတာ" လို့ နောက်ကြသေးတယ်။ သူနဲ့ ခင်ရတဲ့ ကာလ အားလုံးဟာ အမှတ်ရစရာတွေကြီးပါဘဲ။

ဆယ်တန်းဖြေပြီးတော့ စိတ်ပြေလက်ပျောက် ကောင်လေးဆီဖုန်းဆက်ကြည့်တာပေါ့။ ကောင်လေးမာမီက သူ့ သားကိုတိုပါ့ ၊ မခေါ်ပေးဘူးဗျာ။ အဲဒီတုန်းကကောင်လေးနဲ့မခင်သေးဘူးနော်။ အဲဒါ နွယ် ကပြောတယ် ၊ သူခေါ်ကြည့်မယ်တဲ့ ၊ သူကအဘွားကြီးကိုဘာတွေပြောလိုက်လဲမသိ။ ဟိုကခေါ်ပေးတယ်။ အဲဒီမှာပြသာနာတွေကစတာဘဲ။ သူငယ်ချင်းဆိုတာ မယုံနဲ့လို့ ။ ကိုယ်တွေ့ ။ နွယ်က ကိုယ်ဒီကောင်လေးကို အရမ်းကြိုက်မှန်းသိတယ်။ သူအောင်သွယ်လုပ်ပေးမယ်တဲ့။ ကိုယ်ကလဲဘယ်သိမလဲ ၊ နင်လုပ်ရရင်လဲလုပ်ပေးလို့ ။ သူတို့က ပထမတော့မောင်နှမလုပ်ဖြစ်ကြတယ်၊ ကိုယ်နဲ့လဲမိတ်ဆက်ပေးတော့ကောင်လေးနဲ့ ကိုယ်နဲ့ ရင်းနှီးသွားအောင်သူဘဲလုပ်ပေးတာ။ သူတို့ ညတိုင်းဖုန်းပြောဖြစ်ကြတယ်။ ကိုယ်ကတော့ဘယ်လိုဖြစ်ဖြစ်ကျေနပ်တာပေါ့နော် ရင်းနှီးအောင်လုပ်ပေးထားလို့ ကျေးဇူးတောင်တင်တယ် နွယ် ကို။

ဆယ်တန်းပြီးတော့ နွယ် ဆိုတဲ့ကောင်မလေးနဲ့ ကိုယ်နဲ့ ကွန်ပြူတာ သင်တန်း၁ခုကို တူတူတက်ဖြစ်ကြတယ်။ အဲဒီချိန်ထိ အားလုံးဟာပျော်ပျော်ဘဲ။ အဲဒီမှာလဲခင်မင်ဖို့ ကောင်းတဲ့သူငယ်ချင်းတွေနဲ့ ထပ်တွေ့ပါတယ်။ အဲဒီထဲမှာခင်ခဲ့တဲ့ကောင်မလေး၁ယောက်က နေဇာ ။ သူကကိုယ်တို့ ထက်၂နှစ်ငယ်တယ်။ ခုဆိုဘယ်ရောက်နေလဲတောင်မသိ။ အဆက်အသွယ်တွေပြတ်နေခဲ့တာ။ နွယ်က လင်းညီကို မိတ်ဆက်ပေးတာကိုယ်နဲ့ ။ ဒါပေမဲ့ ကျောင်းဆင်းရင်ကျောင်းအောက်မှာလာစောင့်တဲ့ လင်းညီက ကိုယ့်ကိုလာစောင့်တာမဟုတ်။ နွယ်ကိုတဲ့။ သူတို့ က အရမ်းခင်တဲ့ မောင်နှမဆိုဘဲ။ တစ်ရက်တစ်ရက် ပုံပြင်ဆိုတာလဲပြောတယ်တဲ့။

ကျောင်းတက်ပြီး ၆ လ အကြာ၁ရက်မှာ လင်းညီက နွယ်ကို ကဗျာရေးပေးတယ်။ အဲဒီချိန်ထိ ကိုယ်မရိပ်မိဘူး ၊ တုံးပါ့။ နဲနဲကြာတော့ လင်းညီက အဲဒီကဗျာ (သူ့လက်ရေးနဲ့ သူ့စာအုပ်နဲ့ ) ကိုယ့်ကိုလာပေးဖတ်တယ်။ အဲဒီချိန်က ကဗျာတွေထုတ်တာ အရမ်းခေတ်စားနေတာ၊ သူကဗျာထုတ်မလို့ တဲ့။ ဘာတဲ့ လူကိုအရူးများထင်နေလားမသိ။ ရှိသမျှ ကဗျာတွေက အကုန်လုံး နွယ်အကြောင်းတွေ။ အဲဒီမှာ ကိုယ်လဲပေါက်ကွဲတာပေါ့။ သူ့ စာအုပ်မှာ "အရူး" လို့ ရေးပေးလိုက်တယ်။ နောက်ရက်လဲကျရော အိမ်ထိလာပြီး ပြသာနာရှာတယ်။ သူ့ ကိုဘာလို့ အဲလိုရေးလဲတဲ့။ ကိုယ်ကြိုက်နေတာသိသိကြီးနဲ့ သူမို့ အဲလိုလုပ်ရက်တာ။ ဒီကောင် အရူးဘဲပေါ့။

နေဇာနဲ့ နွယ်နဲ့ က အစကတည့်သလိုလိုနဲ့ နောက်ပိုင်းကျတော့ ဘာတွေဖြစ်လဲမသိ။ သိပ်မတည့်ချင်တော့။ နေဇာက ၁နေ့ ကျတော့ပြောတယ်။ လင်းညီနဲ့ နွယ်ကသိပ်မရိုးသားဘူးတဲ့။ ကိုယ်ကမထင်ပါဘူး။ ရိုးသားမှာဘဲလို့ မျှော်လင့်တုန်း။ ဘာလို့ ဆိုတော့ ကိုယ့်စိတ်နဲ့ နှိုင်းတာကို။ ကိုယ်ဆိုရင် ကိုယ့်သူငယ်ချင်းကိုအဲလိုလုပ်မှာမဟုတ်လို့ လေ။ ၁ရက်မှာ နွယ်က ကိုယ့်ကိုဘာလာပြောလဲသိလား။ လင်းညီကသူ့ ကိုရီးစားစကားပြောတယ်တဲ့။ အဲဒီချိန်ထိ နွယ်ရိုးသားတယ်လို့ ထင်တုန်း။ နောက်ဆက်တွဲကတော့ နွယ်ရဲ့ အိုက်တင်က အရမ်းကို ကျေနပ်နေတဲ့ပုံမြင်မှဘဲ ကိုယ် အရမ်းနောက်ကျသွားပြီဆိုတာသိလိုက်တယ်။ သူကကိုယ့်ကို လာမေးတယ် ၊ သူဘယ်လိုလုပ်ရမလဲတဲ့။ နွယ်ကအရမ်းတက်ကြွနေတာပေါ့။ မေးစရာလားနော် ၊ အဖြေကရှင်းနေတာဘဲဟာ။ အဲဒီချိန်မှာ ကိုယ်သူ့ ကိုမတားချင်တော့ဘူး။ နင်တို့ လုပ်ချင်တာတာ လုပ်ကျပါတော့လို့ ဆိုချင်တယ်။

အဲဒီချိန်မှာ နွယ် နဲ့ နေဇာ ဘာဖြစ်မှန်းမသိ။ နွယ်ကပြောတယ် " သူ့ ကိုခေါ်မလား ၊ ငါ့ကိုခေါ်မလား ၊ ၂ ယောက်ထဲကကြိုက်တဲ့ ၁ ယောက်ရွေးတဲ့" ။ နေဇာကို ရွေးလိုက်တယ်။ သူ့ ကိုအရမ်းအမြင်ကပ်သွားလို့ လေ။ အဲလိုလုပ်ရက်လို့ ။ အံ့ဩတာ။

လင်းညီနဲ့ ကိုယ်နဲ့ နွယ်နဲ့ အားလုံးအဆက်သွယ်တွေပြတ်ပြီး ကွန်ပြူတာသင်တန်းလဲပြီးလို့ တရုတ်စာသင်တန်းဘက်ကိုကူးတဲ့အချိန်
လင်းညီ အိမ်ကိုဖုန်းဆက်လာတယ်။ သူနဲ့ နွယ်နဲ့ အဆက်သွယ်မရှိတော့ဘူးတဲ့။ အဲဒီနောက်ပိုင်းကိုယ်နဲ့ ဘဲလာပြောတယ်။ တရုတ်စာသင်တန်းလဲတူတူတက်လိုက်သေးတယ်။
တရုတ်စာသင်တန်းတက်ပြီး ၃လကြာတော့ဘာလာပြောလဲသိလား။ အဆက်သွယ်လာဖြတ်တာတဲ့။ သူနဲ့ နွယ်နဲ့ က ခုထိအဆက်သွယ်ရှိတုန်းတဲ့။ ဒါဆို ဒီကောင် လှေနံ၂ဖက်လာနင်းတာပေါ့။ ကိုယ့်မှာတော့မသိဘူးလေ။ ခံလိုက်ရတာပါ။ ၁ခုရှိတယ် ၊ သူ့ ကို "အရူး" လို့ ရေးလိုက်လို့ လက်စားပြန်လာချေတာဖြစ်နိုင်တယ်။ ဘာဘဲဖြစ်ဖြစ် မိန်းကလေး၁ယောက်ကို အဲလိုမလုပ်သင့်ပါဘူးလေ။ တော်တော်ရိုင်းစိုင်းတဲ့အကောင်။ အဲဒီထဲက ၂ယောက်လုံးကိုကြည့်လို့ ကို မရတော့ဘူး။ ချစ်တာတွေလဲမရှိတော့ဘူး။ ကြာခဲ့ပါပြီ။