အေးမြရိပ်သာ

မနက်ဆို အလုပ်တက်ဖို့ကားစောင့်ရတာမလွယ်ကူ။ အလုပ်တက်ချိန်ဆို ကားကမလာ ၊ ကျန်တဲ့အချိန်ဆို ကားကများမှများဘဲ။ တစ်ခါတစ်လေရှိသေးတယ်။ ကိုယ်က ဒီဘက်ကမ်းမှာဘဲရှိသေးတယ်။ ကားက ဟိုဘက်ကမ်းမှာ ၂စီးဆက်တိုက် ၊ အဲလိုမျိုးလာပြီးရင် လာတော့ဘူးလေ။ ကားမလာလို့ ရင်နာနာနဲ့ တက္ကစီ စီးရတာ ၄ခေါက်လောက်ရှိနေပြီ။ ဆိုင်ကယ်တောင် တက်စီးချင်စိတ်ပေါက်တယ်။ အိမ်က စိတ်မချတော့ မစီးရဘူးလေ။ နိုးတာနောက်ကျလို့ လားလို့ အစောကြီးထပြီး သွားတော့လဲ ကားကမလာ။ ကားက သူလာချင်တဲ့ အချိန်လာတာကိုး။ အဲဒီကားတွေကို ဦးစီးတဲ့ ရုံးတွေကို ဖုန်းဆက်တော့လဲ အခြေအနေက ဘာမှ ထူးခြားမလာ။ အဲဒီတော့ကာ ၇နာရီမထိုးခင် သွားစောင့်တာတောင် လာချင်မှလာမဲ့ကား။

မနက်ဆို ကိုယ်ကအိပ်ရာထဖို့ဘဲလေ။
ရေဗူး ၊ ထမင်းဗူး ၊ မနက်စာအားလုံးကို အမေဘဲ ပြင်ဆင်ပေးတာ။
အလုပ်ကပြန်လာရင်လဲ ထမင်းဗူး ၊ ရေဗူး အားလုံး ဆေးပေးတာ ..... အမေပဲ။
အလုပ်မှာ အကောင်တွေကိုက်လို့ အိမ်ပြန်လာရင် ရှားစောင်းလက်ပတ်ကပ်ပေးတာ ..... အမေပဲ။
ည ထမင်းစားပြီးရင်လဲ ပန်းကန်တွေအားလုံးဆေးပေးတာ ..... အမေပဲ။
ညည ထမင်းစားပြီးရင် သစ်သီးတွေလုပ်ပေးတာလဲ ..... အမေပဲ။
အလုပ်မှာ အထက်အရာရှိက အလုပ်တွေကို နှိမ်ပြီးခိုင်းရင် အရာရှိက အလုပ်ကောင်းကောင်းတွေခိုင်းအောင် မေတ္တာပို့ပေးတာ ..... ဒီအမေပဲ။

ဒီလကုန်ရင် အမေကပြန်တော့မှာလေ။
တစ်နှစ်တစ်ခါပြန်လာမယ်လို့အားပေးတဲ့ အမေ
စိတ်ကိုနူးညံ့အောင်ထား ၊ စိတ်ထဲဘာမှမတွေးရဘူး ၊ အမြဲတမ်းပျော်ပျော်နေပါလို့ အားပေးတဲ့ အမေ
အမေပြန်လာတဲ့အချိန်မှာ ဘဝကြီးဟာ သာယာလှပပြည့်စုံလို့နေတယ်။
အမေရဲ့ ရင်ခွင်ထဲ ခိုဝင်နေချိန်မှာလဲ လောကကြီးကို ကြောက်စိတ်မရှိတော့ဘူး ၊ အေးချမ်းလုံခြုံလို့နေတယ်။
အမေရဲ့အားပေးမှုအောက်မှာ ဘဝက တစ်ဖန်ပြန်လည်ရှင်သန်လာခဲ့ပြီ။ လမ်းတွေပျောက်ဆုံးနေပြီလို့ ထင်ခဲ့ရပေမဲ့ အမေပြန်လာတော့ အားပြန်တက်လာတယ်။
အမေရဲ့ အားပေးစကားကို စိတ်ထဲအမြဲထည့်ထားရင်း လောကကြီးကို သတ္တိအပြည့်နဲ့ရင်ဆိုင်ဖို့ကြိုးစားနေပါတယ်။

အမေပြန်သွားရင် အမေပွါးတစ်ယောက်ထပ်ရှိပါသေးတယ်။ အမေ၂ယောက်ပါ။
ဒီအမေကလဲ အမေရင်းကိုမရှုံးပါ။ တစ်ခါတစ်လေ အဆစ်ပါသေးတယ်။ လိုအပ်တာထက်ပိုပြီးအသေးစိတ်သိသေးတယ်။
ဒီအမေကတော့ ဟင်းချက်ပေးတယ်။ နေ့စဉ်စားသောက်ဖို့ ဒီအမေဘဲ အကုန်ပြင်ဆင်ပေးတယ်။
အလုပ်မှာအကောင်ကိုက်လို့ ရှားစောင်းလက်ပတ်လိမ်းလို့မပျောက်တဲ့ အနာကို မနေ့က တိုင်းရင်းဆေးဆရာမကြီးရှိတဲ့နေရာ သွားပြီး ဆေးသွားယူပြီး ပြန်လာတော့ ကိုယ်တိုင်ဆေးလိမ်းပေးပါတယ်။ တော်တော်သက်သာနေပါပြီ။ ကျေးဇူးပါ မေမေ။
ဝမ်းနည်းနေတဲ့အချိန် အနားမှာ အားပေးစကားပြောပါတယ်။
ရုံးကိစ္စ ၊ အလုပ်ကိစ္စ အကုန် ဒီအမေဘဲလုပ်ပေးတာပါ။
အမေ၂ယောက်လုံးနဲ့တူတူ နေချင်ပါတယ်။ ဆုတောင်းပေးကြပါ။

မေလတိုင်း၏ ဒုတိယပတ်တွင် ကျရောက်သော အမေများနေ့အမှတ်တရ ။
Happy Mothers' Day !!!
天下所有的媽媽 , 母親節快樂 !!!

သူငယ်ချင်းသို့ ပြန်စာ

Shein Mee
သတိရတယ်။ နင့်ဆီကိုလဲ တစ်နေ့တစ်နေ့စာရေးမယ်ဆိုပြီး မရေးဖြစ်ပါဘူးဟာ။ ကွန်ပြူတာရှေ့ မှာဘဲအချိန်ကုန်နေမိတယ်။ နင်ပို့တဲ့စာကို နှစ်သစ်ကူးပြီးမှရတယ်။ ဒီမှာ နှစ်သစ်ကူး ကိုးရက်ပိတ်လိုက်တာကိုး။

နင်ကကိုယ်ဝန်ရှိနေတော့ အစစအရာရာ ဂရုစိုက်ပေါ့ဟာ။ ကိုယ်ဝန်ဆောင်စာအုပ်တွေဝယ်ဖတ်ပေါ့။ ယောက်ကျားလေးဆိုတဲ့စိတ်သိပ်မထားနဲ့ပေါ့။ အမှန်က နင်ကိုယ်ဝန်ရလိုက်ပြီဆိုတည်းက ယောက်ကျားလေး ၊ မိန်းကလေး သိနေရပြီလေ။ ငါတို့ ကြည့်လို့ မမြင်နိုင်လို့ သာ မသိရတာ။

ယောက်ကျားလေးမွေးဖြစ်ရင် ကလေးထပ်မယူနဲ့ တော့လို့ ပြောမလို့ နင်ကနောက်တစ်ယောက်ယူမယ်ဆိုလို့ ၊ ယူချင်လဲယူပေါ့ဟာ။ ငါကနင်ပင်ပန်းမှာစိုးလို့ ။

နင့်ဆီဖုန်းဆက်တိုင်း ငါ့အကြောင်းတွေဘဲရေးခိုင်းနေတယ်နော်။ ငါ့အကြောင်းကိုပြောလဲပြောပြချင်တယ်။ မပြောလဲမပြောပြချင်ဘူး။ နင်စိတ်ညစ်သွားမှာစိုးလို့ ပါဟာ။ ကလေးက အရေးကြီးတယ်လေနော်။ ငါကတော့ ရပါတယ်ဟာ။

နင့်ကိုတစ်ခုပြောရအုံးမယ်။ နင်သိပြီးသားလား ၊ မသိသေးတာလား ငါမသိဘူးပေါ့နော်။ ငါလဲ ဒီတစ်လောလေးမှသိတာပါ။ နှစ်ပတ်လောက်ဘဲရှိသေးတယ်။ ငါမျက်နှာစာအုပ်မှာ အကောင့်ရှိတယ်လေ။ လွန်ခဲ့တဲ့ ၂ပတ်က နွယ်ကငါ့ကို အင်ဗိုက်လာလုပ်တယ်။ ငါလဲ အစတ်လုပ်လိုက်တယ်။ အဲဒါနဲ့ ငါသူတို့ ၂ယောက်ပုံကိုမြင်တယ်။ နောက်တော့ ငါသိချင်လွန်းလို့ မေးလိုက်တာ သူနဲ့ နွယ်က အိမ်ထောင်ကျတာ ၁နှစ်ရှိပြီသိလား။ ခုနွယ်ကလဲ ကိုယ်ဝန်ရှိတယ်။ ငါ့ကိုလာလာတောင်းပန်တယ်။ ငါပြောတယ် မတောင်းပန်ပါနဲ့ လို့ ။ နင်ပြောသလိုဘဲလေ ၊ ဖူးစာပါမှ ဆုံကြရတာမဟုတ်လား။ ဓတ်ပုံတွေလဲ ငါ့ကိုပို့ ပေးတယ်။ နင့်ကိုပြန်ထည့်ပေးလိုက်မယ်။

လူတွေက လူတစ်ယောက်နိုင်ငံခြားရောက်နေပြီဆို အထင်ကြီးကြတယ်။ ဒါပေမဲ့ဒီလူမှာ နိုင်ငံခြားရဲ့စိတ်ဒုက္ခကို ဘယ်လောက်ခံစားရလဲ ဘယ်သူမှမသိဘူး။

ငါလေ ဒီမှာ ဘာသူငယ်ချင်းမှမရှိဘူး။ မေးထူးခေါ်ပြောတာတွေတော့ရှိတာပေါ့ဟာ။ နင့်လိုမျိုးရင်းရင်းနှီးနှီးသူငယ်ချင်းမျိုးတော့လိုချင်တယ်။ ဒါပေမဲ့ အဲဒီမေးထူးခေါ်ပြောကနေဘဲ အထင်လွဲတဲ့သူတွေလဲရှိတယ်ဟ။ နင်ဆိုရင် အင်တာနတ်မသုံးတော့ဘာမှမသိဘူးနော်။ ကိုယ်ကမေးထူးခေါ်ပြောတာဘဲလေ။ ဒါပေမဲ့ သူတို့စိတ်ထဲမှာ သူတို့ကို ကြိုက်လို့ ချက်တယ်လို့ထင်တဲ့လူတွေလဲရှိတယ်ဟ။ ချက်တောင်မချက်ရဲအောင်ပါဘဲဟာ။ သူကငါ့ကို ဖွင့်ပြောလာလို့ ငါသိရတာဟ။ သူတို့ကိုယ်သူတို့အထင်ကြီးကြတာလေ။ အမှန်တော့ ငါက ခင်မင်မှုလိုချင်တာပါ။ ဒါကို လူတွေက အထင်လွဲကြတယ်။

လူတွေက သူတို့အနိုင်ယူလို့ရတဲ့လူတော့ အနိုင်ယူချင်သားဟ။ ကြောက်ရမဲ့လူရှိတော့လဲ ငြိမ်ကုပ်နေရတာဘဲလေ။ ပြောလိုက်ရင်တော့ လေတစ်လုံးမိုးတစ်လုံးပေါ့။ တကယ်တမ်းကြတော့ ဘာအဖြစ်မှမရှိကြဘူး။ သူ့ကိုယ်သူ သူဌေးဂိုက်ဖမ်းတဲ့သူတွေကတော့ အဆိုးဆုံးပေါ့။ ဆေးမရှိဘူးလေ။ အကုသိုလ်အလုပ်နဲ့စီးပွါးဖြစ်နေတဲ့သူတွေလဲ တစ်ပုံတစ်ပင်ဘဲသိလား။ ကိုယ့်ကိုရ်ကို စိတ်ထားကောင်းတယ်လို့ထင်နေတဲ့သူတွေဟာလဲ အပြောကြီးတဲ့သူတွေဘဲ။ နင်သိမှာပါ။ လိုတစ်မျိုး ၊ မလိုတစ်မျိုးလုပ်တာလဲ လူတွေရဲ့မာယာဘဲ။ ငါကတော့ အဲဒီလိုလူတွေကိုမုန်းတယ်ဟ။ ဒါပေမဲ့ လူတိုင်းက အဲဒီ အတတ်ကိုတတ်ကျွမ်းရတယ်ဟ။ မဖြစ်မနေလုပ်ရမယ်ဆိုမှငါလုပ်မယ် ၊ မဟုတ်ပဲနဲ့တော့ ငါအလကားမလုပ်ချင်ဘူး။ ငါတို့တက္ကသိုလ်နောက်ဆုံးနှစ်ခရီးသွားတုန်းကလဲ ဒီလိုလူတွေဘဲ ငါတို့ တွေ့ခဲ့ရတယ်လေ။ အားလုံးရှေ့ကျတော့ ဟိုလူ့မြှောက်ပင့် ၊ ဒီလူ့ မြှောက်ပင့်နဲ့။ ကွယ်ရာကျတော့ ကဲ့ရဲ့လိုက်တာ။ မျက်နှာပြောင်တိုက်ရဲတာပါဟာ။ ဒါမျိုးမှ လူတော်လို့ပြောချင်ကြတာလေ။

ငါ Aug ပြန်မလာဖြစ်တော့ဘူးဟ။ နင့်ကိုတော့လာတွေ့ချင်ပါတယ်။

ငါက ကြားခံကိရိယာတစ်ခုလိုပေါ့။ လင်းညီနဲ့နွယ်ကြားမှာ ငါမပါခဲ့ရင် သူတို့နှစ်ယောက်လဲ သိချင်မှသိခဲ့ကြမှာနော်။ လူတွေစိတ်ညစ်နေတဲ့အခါဆိုရင် ငါကသူတို့ပျော်အောင်လုပ်ပေးရတယ်။ အမှန်တော့လူတွေက ညှာတာမှုကင်းမဲ့တာဟ။ သူတို့ကျတော့ ပျော်တုန်းကပျော်ခဲ့တယ်။ သူတို့မပျော်တဲ့အချိန်ကျတော့ ငါကပေးဆပ်ရမတဲ့။ မတရားတာနော်။ သူများတွေအဆင်ပြေအောင် လုပ်ပေးနေရတာလေ။ သူများတွေအဆင်ပြေအောင်တော့လုပ်ပေးချင်ပါတယ်။ မကူညီချင်တာမဟုတ်ဘူး။ ငါဟာ သံယောဇဉ် ၊ ခံစားချက် ၊ အသဲနှလုံးကင်းမဲ့တဲ့ လူသားတစ်ယောက်ဖြစ်ခဲ့ရင် အားလုံးကိုကူညီနိုင်မှာပါ။ သူများတွေကူညီပြီး ငါ့ကျတော့ Heart ထိနေရင် ဘယ်အဆင်ပြေပါ့မလဲဟာ။ နောက်ပြီး ဝင်လို့ကောင်းတဲ့အတွဲဆိုရင် အရေးမကြီးဘူးလေ ၊ ဝင်လို့မကောင်းတဲ့အတွဲဆိုရင် ကိုယ့်ကို အမှုလာပတ်နေမှာစိုးရသေးတယ်လေ။ ဒါတွေလဲရှောင်ရသေးတယ်ဟ။ ငါ့မာမီကတော့ပြောထားပြီးသားနော်။ သူများအတွဲတွေကြားထဲ ဝင်မရှုပ်ပါနဲ့တဲ့။ မာမီစကားဘဲနားထောင်မယ်ဟာ။ သူများအကျိုးဆောင်ရင်ကိုယ့်အကျိုးအောင်မဟုတ်ဘဲ သူများအကျိုးဆောင်ကိုယ့်အကျိုးပြောင် ဖြစ်မယ်ဆိုတဲ့စကားဟာ မှန်တယ်။

အဲဒါပါဘဲဟာ။ နောက်မှနင့်ဆီဖုန်းဆက်လိုက်မယ်။ နင်အဆင်ပြေပါစေနော်။

ချစ်ခြင်းများစွာဖြင့်
ယွန်း

သူငယ်ချင်း မှ ပေးစာ

Hi ယွန်း

နင့်ဆီငါစာကရေးချင်တယ် ၊ မအားလို့။ အခု Birthday Card ပို့မယ်ဆိုတော့ တခါထဲရေးဖြစ်အောင် ရေးမယ်ဆိုပြီး ရေးလိုက်တာ။ နင်ဘယ်တော့ပြန်လာမှာလဲ? ငါက Aug မှာမွေးမှာ။

နင်ပြန်လာရင်တော့ကောင်းတာပေါ့။ နင်ပြန်လာမယ်ပြောတော့ ငါတော်တော်ပျော်သွားတာ။ နင် ငါ့ကိုအရင်လိုကော ချစ်ရဲ့လား? ငါ့ကိုသားလေးမွေးအောင် ဆုတောင်းပေးဦးနော်!

နင်ကောနေရတာ အဆင်ပြေလား? ကျန်းမာရေးလဲဂရုစိုက်ဦး ၊ ကျန်းမာဖို့ကအရေးကြီးဆုံးဘဲ ၊ ကျန်းမာတာကဘာနဲ့မှလဲလို့မရဘူး။ နင်တကယ် Aug ပြန်လာမှာလား? ဘာပြန်လာလုပ်မယ်ဆိုတာ ငါ့ကိုမပြောဘူးနော်။

ငါကတော့ အဆင်ပြေပါတယ်။ တစ်ခါတစ်လေလဲ လျှောက်ပြီး တောင်စဉ်းစား ၊ မြောက်စဉ်းစားပေါ့ဟာ။ ကလေးမွေးရမှာလဲကြောက်တယ်ဟ။ ဇာခြည်သမီးလေးတောင် ၁နှစ်ရှိပြီ ၊ သူက ကလေးမပျင်းရအောင် ၃၀မကျော်ခင် နောက်တစ်ယောက်ထပ်ယူမယ်တဲ့။ နင်လဲ စဉ်းစားသင့်ပြီနော်။

အခု ငါတောင်ကျားကလေးယူပြီးရင် နောက်တစ်နှစ်ခြားပြီးတော့ နဂါးကလေးယူမယ်လို့စီစဉ်ထားတယ်။ အခုဆိုရင် ကုန်းရတာလဲကြောက်တယ် ၊ မမှီတာလှမ်းယူတာလဲ ကြောက်တယ် ၊ ကလေးတစ်ခုခုဖြစ်မှာစိုးလို့။ စားတာကတော့ စားသလားမမေးနဲ့။ တချိန်လုံး တတွတ်တွတ်နဲ့စားတာ ၊ ဗိုက်ကလည်း ခဏခဏ ဆာတယ်ဟ။ အိပ်ရင်လဲ ပက်လက်ကလေးဘဲ အိပ်ရတယ်။ တစ်ခါတစ်လေ သတိလက်လွတ်ဖြစ်သေးတယ်။ နောက်မှ ကလေးကို ဖိသလိုဖြစ်မှာစိုးလို့ ပြန်ထိန်းရတယ်။

နောက်အားမှဘဲ စာရေးတော့မယ်နော်။ ကျန်းမာရေးကို အထူးဂရုစိုက် သူငယ်ချင်း။
နင်လဲ စာပြန်ရေးဦးနော်။ အမြဲသတိရတယ်။

Shein mee

နှလုံးသားက ငြင်းပယ်တဲ့အသံ

အားးးး
ဘယ်ကိုပြေးရမလဲ။ လိုက်နှောင့်ယှက်နေတယ်။ ဘယ်နေရာကိုမှ ပြေးလို့မလွတ်နိုင်ဘူး။ ကိုယ့်ရဲ့အခန်းထဲမှာနေလို့မဖြစ်တော့တဲ့အခြေအနေမှာ ဘယ်အခန်းကိုပြေးမလဲ။ ဘယ်အခန်းမှမပြေးနဲ့ ၊ မလွတ်ဘူး။ တစ်အိမ်လုံးအနှံ့ကြားနေရတဲ့ အသံကြောင့် လူက အပြင်မထွက်ချင်လဲထွက်ရပေဦးတော့ဘဲ။ အသံ တိတ်ဆိတ်နေရင် လူကိုခြောက်လှန့်စေပေမဲ့ သိပ်ကျယ်တဲ့အခါ လူကိုအနှောင့်အယှက် ဖြစ်စေနိုင်လားလို့မေးမယ်ဆိုရင် မဆိုင်းမတွနဲ့ဘဲဖြေမယ် ၊ သိပ်ဖြစ်စေနိုင်တာပေါ့ကွယ်။ ပတ်ဝန်းကျင်အသံနဲ့ဘဲလူက တော်တော်လုံလောက်နေပြီ။

ကိုယ့်ရဲ့အခန်းထဲမှာ ဘာလို့နေလို့မဖြစ်ဘူးလဲဆိုရင် ကိုယ်နေတဲ့လေးထောင့်အခန်းကျဉ်းကျဉ်းလေးထဲမှာ Amplifier လို့ခေါ်တဲ့အသံချဲ့စက် ၁လုံး ရှိတယ်။ စပီကာ၎လုံးချိတ်ထားတယ်။ တီဗီ၁လုံးရှိတယ်။ ကွန်ပြူတာအင်တာနတ်က အဲဒီအခန်းထဲမှာချိတ်ထားတာဖြစ်တယ်။ တီဗီကော ၊ အသံချဲ့စက်ကောရှိတာ ဟန်ကျလိုက်တာလို့တွေးထင်ရင်မှားပြီ။ သင်တို့ရုပ်ရှင်ရုံ ရောက်ဖူးကြမှာပါ။ အဲဒီအသံအတိုင်းပါဘဲ ၊ အခန်းကျဉ်းကျဉ်းလေးထဲမှာ အသံတွေဝုန်းဒိုင်းကျဲနေတာ။ တစ်နေ့ထဲမဟုတ်ပါဘူး။ နေ့စဉ်ရက်ဆက် ၊ တစ်ရက်မှမနားဘူး။

တစ်ချို့က အသံတွေဆူညံနေမှကြိုက်တယ် ၊ တစ်ချို့ကျတော့ အသံတွေတိတ်ဆိတ်နေမှကြိုက်တယ်။ ကိုယ်က အသံဆူညံတာမကြိုက်တော့ စဉ်းစားကြည့်တယ်။အသံဆူညံတာကြိုက်တဲ့လူက တစ်နေကုန် ဆူညံနေရင်ကော ခံနိုင်ပါ့မလား။ ခံနိုင်မယ်ထင်တယ်။ သိပ်ရှည်ရှည်ဝေးဝေးကြည့်စရာလိုမယ်မထင်ဘူး။ အိမ်က ဦးလေးနဲ့ဘဲ တော်တော်ပြည့်စုံနေပြီ။ ဦးလေးလို လူမျိုးလဲ အများကြီးရှိမှာပါ။

ဦးလေးက အသံနဲ့ပတ်သက်ရင် ဘယ်တော့မှတိုးတိုး နားထောင်တာမရှိဘူး။ အမြဲအကျယ်ကြီး ၊ ရုပ်ရှင်ရုံလဲဘယ်တော့မှမသွားဘူး။ အသံချဲ့စက်တွေကို စိတ်ဝင်စားတာ ထင်တယ်နော်။ ယောက်ကျားလေးတော်တော်များများ စိတ်ဝင်စားမယ်ထင်တယ်။ အသံချဲ့စက်ပါရင် အသံကပိုနားထောင်ကောင်းတာ လက်ခံပါတယ်။ ဒါပေမဲ့ ရုပ်ရှင်ရုံလိုမျိုး မဖွင့်ရင်မရဘူးလားဟင်။ မရဘူးတဲ့။ အဲလိုအသံအကျယ်ကြီးမှ ကြည့်လို့ကောင်းတာတဲ့ဗျာ။
စိတ်တွေသိပ်မွန်းကျပ်လာတော့ ထိုင်ငိုမိတယ်။

ဪ... ဒါဆို တီဗီပိတ်လိုက်ရင် အသံတွေမကြားရတော့ဘူးလေ ၊ ဘယ်ဟုတ်မလဲဗျာ။ နောက်ဖေးထမင်းစားခန်းထဲမှာ ရေဒီယိုတစ်လုံးက ဆယ်နှစ်ရာသီမပြတ် နေရာယူထားသေးတယ်။ ကိုယ့်အခန်းက ထမင်းစားခန်းနဲ့ကပ်ရပ်ပါ။ အသံကတော့ တိုးတိုးလေးလား ၊ မဟုတ်ပါဘူး ၊ အသံအကျယ်ကြီးကြိုက်တဲ့ဦးလေးဘဲ ၊ အသံအမြင့်ဆုံးလှည့်ထားတယ်။ အဲဒီရေဒီယိုဟာ နေ့လည်၁၂နာရီကစလို့ မနက်၅နာရီထိ အလုပ်လုပ်ရရှာတယ်။ တစ်ချက်ကလေးမှနားရင် မကြိုက်တဲ့ဦးလေးပါ။ အသံတွေကြားနေရမှ စိတ်ချမ်းသာတယ်ဆိုတာ ဒါမျိုးထင်ပါရဲ့။

ဪ... ဒီလောက်တင်ဘဲလား ၊ မဟုတ်ပါဘူး။ သူ့ရဲ့အိပ်ခန်းလေးထဲမှာလဲ နေ့လည်၁၂နာရီကနေ မနက်၅နာရီထိ အလုပ်လုပ်ရတဲ့ ရေဒီယိုတစ်လုံးရှိပါသေးတယ်။ တစ်ခါတစ်လေ စိတ်ကူးပေါက်ရင် အဒေါ်အခန်းထဲက တစ်လုံးကိုပါ ဖွင့်ထားလိုက်သေးတယ်။ တစ်အိမ်လုံးပြေးစရာနေရာမရှိတာ ဒါမျိုးပါဘဲ။ ဘယ်ဘဝက ဝဋ်ကြွေးလဲကွယ်။

ဪ ဒါဘာရှိအုံးမှာလဲ။ အိမ်ရှေ့ဧည့်ခန်းထဲတွင် ဓတ်စက်အမြောက်အမြားနှင့်အသံချဲ့စက်များစွာရှိသည်။ ဆောင်းဘောက်ကြီးဘဲ အလုံး၂၀တိတိရှိသည်။ တီဗီတစ်လုံးရှိသည်။ Home cinema လို စက်တစ်လုံးရှိသည်။ ရုပ်ရှင်ရုံကဲ့သို့ ပြသနိုင်သည်။ ရုပ်ရှင်ရုံလောက်တော့မကြီးပါ။ ဒါပေမဲ့ တော်တော်ကြီးပါတယ်။ အဲဒီလောက် စက်တွေအများကြီးဝယ်ထားတာ စက်မပျက်အောင်လဲ ထိန်းသိမ်းစောင့်ရှောက်ရဦးမည်ဟု ကြွေးကြော်ပြီးသကာလ။ တစ်ပတ်တစ်ခါ သူ့ရဲ့စက်ဖွင့်ရက်ဆိုတာ ရှိတယ်။ အဲလိုနေ့မျိုးဆို တတ်နိုင်သလောက်ရှောင်တယ်။ အိမ်မှာနေရင် ရူးသွားမှာစိုးလို့ပါ။ စက်ဖွင့်ရက်ဆို သိပ်စိတ်ညစ်တယ်။ ပြောရင်းတောင်ငိုချင်တယ်။ ဘာတွေဖွင့်လဲ သိချင်လား? James Bond ခွေ တစ်မျိုးဘဲဖွင့်တာ။ အဲဒီခွေဘဲ ဘယ်တော့မှမပြောင်းဘူး။ James Bond တောင်မှ သူ့ရဲ့စံချိန်နဲ့ကိုက်ညီမှ ဖွင့်တာ။ အပတ်တိုင်းဒီခွေကြီးဘဲ ပြနေတာ တစ်ခြားခွေလေး မဖွင့်ဘူးလားလို့ မေးတော့ အဲဒီခွေရဲ့အသံက အစုံပါတယ်တဲ့၊ နားမလည်ပါဘူး။ ကိုယ်ဆိုရင် စက်လဲစမ်းမနေတော့ပါဘူး ၊ ကြည့်ချင်တဲ့အချိန်မှဘဲ ဖွင့်ကြည့်မယ်လေ။ အဲဒီ စက်စမ်းရင် ဖွင့်တဲ့အသံက အိမ်ကနေ ဟိုးလမ်းထိပ်လောက်ကြားရတယ်။ အိမ်နီးချင်းကလဲ ဘာမှမပြောဘူး။ အံ့ဩကုန်နိုင်ဖွယ်။ ဒီ စက်တစ်လုံးဘဲ စမ်းတာမဟုတ်။ အဒေါ်အခန်းထဲမှာ ကက်စက်ကြီးကြီးတစ်လုံးရှိတယ်။ အဲဒါလဲ တစ်ခါထဲ ဖွင့်တယ်။ ဘာသီချင်းလဲဆိုတော့ ကုလားသီချင်း။ အားးး ဆူညံနေတာဘဲ။ မနက် ၁၁နာရီက ဖွင့်လိုက်တာ ညနေ ၅ နာရီမှရပ်သွားတော့တယ်။ တကယ် အရမ်းစိတ်ညစ်တယ်။

နောက်ဆုံးတော့ အိမ်ရှင်ကဘဲ အနိုင်ယူရမှာပေါ့။ လူကြီးတွေက တကယ်ဘဲ။ ကိုယ်လုပ်ချင်တာဘဲသိတယ်။ အဘွားဆို မဲ့ကာရွဲ့ ကာနဲ့ ။ ကိုယ်ကဘဲ တစိတ်ကို တစ်အိတ်လုပ်နေတယ်လို့ ထင်နေတာ။ ကိုယ့်ကြောင့်ဘဲ ရုပ်ရှင် မကြည့်ရသလိုလိုနဲ့ သိပ်မကျေနပ်ဘူးထင်ပါ့။ တိုးတိုးလေးကြည့်ရင် ရပါတယ်လို့ ပြောလိုက်တယ်။ အဲဒါမှ ကြည့်ရလို့ နဲနဲကျေနပ်သွားတယ်။ ခုဆိုရင် နားပိတ်( အသံဆူညံမှုကို ခံနိုင် )တဲ့ဟာလေး တပ်ထားရပါတယ်။ အသံတွေကို မခံနိုင်ဖြစ်လာပြီလေ။ လူတွေ စကားပြောတာတောင် နားမထောင်ချင်တော့ဘူး။ ရှိရှိသမျှအသံကို နားထောင်လိုက်တာနဲ့ စိတ်ကတိုတိုလာတယ်။ ဒီနားပိတ်တဲ့ဟာလေး တပ်လိုက်တော့ တော်တော်ကောင်းလာတယ်။ စကားပြောလို့ တော့မကောင်းဘူးပေါ့။

ဒီလောကကြီးမှာ ရှိနေသရွေ့ အသံနဲ့ ကင်းလွတ်ခွင့်ရမှာ မဟုတ်တော့ပါဘူး။

ပျော်ရွှင်စွာ ရယ်မောနိုင်စေရန်

စိုင်းဆိုင်မောဝ်ရဲ့ သီချင်း ခေါင်းစဉ်ကမေ့နေပြီ.. ဟီးဟီး.. သီချင်း
မူရင်းက ဒီလို..
မေရယ်.. အထင်တော့မလွဲလိုက်နဲ့ဦး.. စာလွှာများရောက်မလာခဲ့ရင်..
မောင့်အပေါ်မှာ မငြိုငြင်ပါနဲ့နော် ဆိုတာ..
အဲဒါကို ဖျက်ဆိုကြတာ..
မောင်ရယ် အထင်တော့မလွဲလိုက်နဲ့ဦး.. email များရောက်မလာခဲ့ရင်
မေ့အပေါ်မှာ မငြိုငြင်ပါနဲ့နော်..
မေတို့ ခေတ်သမီးဘ၀ဟာ.. ချစ်သူကို လွမ်းဖို့ရာ
တစ်ခါတစ်လေ အချိန်တော့မပေးနိုင်ပါ..
ဈေးဆိုင်တွေ ကျော်ကာဖြတ်လို့.. ပိုက်ဆံကုန်အောင်ဖြုန်းဖို့..
ဆလင်းဘတ်အိတ်ကို လွယ်တာ..
ဒါတွေကို shopping mall က အသိဆုံးပါ မောင်ရယ် မေးကြည့်ပါကွယ်..
မေ့သဘောနဲ့ ပြောပြရရင် ရှိသောပိုက်ဆံများကို သုံးကာလေ အကုန်ဝယ်ချင်သပေါ့နော်..
ဒါပေမယ့် မုန့်ဖိုးပြတ်နေ သမီးပျိုမှာလေ.. မျက်စိသာ အစာကျွေးရင်း..
ဘေးမှာသာ ပတ်လျှောက်နေရရှာ..
Rဇာနည် ရဲ့ မုန်းပြီလား မေ့ပြီလား သီချင်းကိုဖျက်ထားတာကြားဘူးတယ်…
မုန့် တီလား မြီးရှည်လား ကိုယ့်ကိုတစ်ပွဲလောက်ပြင်ပေးပါ..
ငရုတ်သီးများများ နံနံမထည့်ဖို့ တောင်းဆိုချင်တာ…..
ဟိုတစ်ခါ အကြွေးတောင်းတုန်းက မင်းရဲ့မျက်နှာ
ငါပြန်ဆပ်လိုက်လို့ ပြုံးသွားတဲ့အခါ
လေပြည်တွေလို ကြည်နှုးသွား …
ငွေတိုးချေးစားတဲ့ မင်းရဲ့ မျက်နှာ
ဒီတစ်ခါ အတိုးမရတော့ မင်းရဲ့မျက်နှာ
သေကောင်ပေါင်းလဲရုပ်နဲ့ ရှုံ့တွ တဲ့အခါ
ငါ ရွံတယ် တကယ် မခေါ်ဘူး သွား
အတိုးသိပ်မက်တဲ့ မင်းရဲ့ .. မျက် .. နှာ …
ချစ်ကောင်း – လူကြမ်းလေး
ချစ်လွန်းလို့ ဖြစ်သွားတာပါ
လူကြမ်းလေးကို နားလည်ပါ
စိတ်ဆိုးပြီး နာကျည်းသွားလား
မင်း အမျိုးသမီး သူငယ်ချင်းလေး အပေါ်မှာ
ကိုယ်လုပ်လိုက်တဲ့ အဖြစ်ဟာ
အချစ်လေး … ကိုယ်ဟာ နှာဘူးကြီးပါ
ကိုယ်ဟာ ကြောင်ဖားကြီးပါ …
စိုင်းစိုင်းသီချင်းလေ….
မဟုတ်ပါဘူး၊ မလုပ်ပါဘူး မင်းထမိန်တွေမရုတ်ပါဘူး၊
မို့မို့ဇော်ဝင်း ရဲ့ ပိုင်ရှင် သီချင်းပါ
“ပိုင်ရှင် မရှိသေးတဲ့ ဗိုက်ကြီးသည် ၊ ပိုင်ရှင် ကိုယ်ဖြစ်လိုက်ချင်ပါတယ်။ “
ဝိုင်ဝိုင်း-မေ့မှာပါ
ကူးစက်ခဲ့ သုံးလုံးနဲ့ နှစ်လုံးရောဂါ
လ စဉ်ဖြစ်ပွား
ဒီအတိုင်းသာ ပုံမှန်ချီတက်သွား
ကြာရင်ငါနဲ့မင်း…အို မွဲမှာပါ
ပိုးအိစံရဲ့…..မွေးထာနီ..သီချင်းလေးပါ……
မွေးပြန်ပြီ……..ဆယ်ယောက်မြောက်မို့…….
ဆရာဝန်ဖယ်စမ်း……ကျုပ်ကြည့်စမ်းမည်…..
ခေါင်းထွက်လာပြီ……..ခြေထောက်ထွက်လာပြီ…..
ကျွန်တော့အတွက်တော့……..ကလေးတစ်ယောက်ရပါလေပြီ…….
စိုင်းစိုင်းခမ်းလှိုင်ရဲ့သီချင်းတပုဒ်ပါ
၁၉၉၇ ဒီဇင်ဘာလ၁ရက်ကောင်းကင်ပြာပြာကြီးရဲ့အောက်မှာ အမွဲဇယားကိုစတင်ခဲ့
အဲဒီနေ့ကအပူးမထွက်ပါ……….
ဒီဇင်ဘာ၈ရက်နှလုံသားကိုဓာတ်လိုက်ပြီ တလုံးပဲလွဲသွားတယ်……………
ဧပြီ၁၀ ရက်ကျွန်တော့်မွေးဂဏန်လေးထွက်သွားတယ် အို….အို….အရူးအမူးပဲ
မေလ၂၃ ဘ၀တသက်စာချဲထိုးစားတော့မယ်လို့လေထဲတိုက်အိမ်ဆောက်ခဲ့ ဘူးတာပဲပျော်မြူးခဲ့
တညလုံးမအိပ်ပဲချဲတွက်ခဲ့ တဘ၀လုံးဆိတ်သုန်းမွဲရောပဲ
ပေးလိုက်ရတာဆွဲကြိုးနဲ့ပြန်ရလိုက်တာအကြွေးဇယားပဲ
အောက်တိုဘာ၁၆ရက်ပျော်ရွှင်ရတဲ့နေ့တွေရှိသလို ထမင်းတွေလည်းငတ်ခဲ့
ပြန်ပေါက်လိုက်ပါသွားလိုက်နဲ့ အကြွေးနွံထဲနစ်ခဲ့
ဖေဖော်ဝါရီ၉ရက် ကျွန်တော့်ဘ၀ကွဲပျက်……………….
…………………………………………………………..
(ကျွန်တော့်ကိုသနားလို့တဲ့….သူတောင်းစားကငွေနှစ်ဆယ်ေ ပးသွားတယ်
အရှက်ကိုကွဲရော)
R ဇာနည် သီချင်း
ညနေခင်းရဲ့ လေပြည်ထဲမှာ
မင်းထမိန်တွေ ၀ရန်တာမှာ လှမ်းတဲ့အခါ
ချိတ်နဲ့ မချိတ်တော့ သိပ်ဆိုးတာ
လမ်းပေါ်ကို အကုန်လွင့်ကျလာ
ဘာဘူကြီးတောင် ငိုနေပြီကွာ
မင်းထမိန်လေးဟာ သူ့ရဲ့ခေါင်းပေါ်မှာ
ကျွန်တော့် မမ သောက်ပြင်းထူ
ကျောမှာရင်မှာ ၀ဲတွေထူ
အများနဲ့မတူ လက်တဖက်နူ…
ပြန်ကြည့်ကြည့်ရင် သောက်မြင်ကပ်စရာလည်းကောင်းလှသူ
ကျွန်တော့်မမ မမ သောက်ပြင်းထူ…..

ဟာသလေးတစ်ပုဒ်ပါ ဖတ်လိုက်မိလို့ပါ ချစ်သောစာဖတ်ပရိတ်သတ်တို့ကို လည်း ပျော်ရွှင်စွာ ရယ်မောနိုင်စေရန် ပြန်လည်မျှဝေလိုက်ရပါတယ်

{What is LoVe???}

ဇောချွေးတွေ ပြန်နေတာလား။ ရင်ခုန်နှုန်းတွေ တဒုန်းဒုန်းနဲ့ ဖြစ်နေတာလား။
ပြောဖို့ စကားတွေက ရင်ခေါင်းထဲကနေကို မထွက်ဘူး ဖြစ်နေတာလား။
ဒါ အချစ် မဟုတ်ဘူး။ အဲဒါ သဘောကျတာပါ။

မင်းရဲ့ မျက်စိအောက်က အပျောက်ကို မခံနိုင်ဘူး။ တစ်ခဏလေး
လက်တွဲဖြုတ်ရမှာကို သိပ်စိုးရိမ်နေတယ်။
ဒါ အချစ် မဟုတ်ဘူး။ အဲဒါ ရမ္မက်ပါ။

ဂုဏ်ယူပြီး သူ့ကို ထုတ်ကြွားမယ်။ အဲဒီလို ထုတ်ကြွားရတာကိုပဲ သဘောကျနေတယ်။
ဒါ အချစ် မဟုတ်ဘူး။ မင်း ကံကောင်းလို့ပါ။

မင်းရဲ့ အနားက တစ်ဖ၀ါးမှ မကွာ သူ့ကို နေစေချင်တာလား။
ဒါ အချစ် မဟုတ်ဘူး။ အထီးကျန်လို့လေ။

လူတိုင်း လိုလားအပ်တဲ့ အရာတစ်ခုမို့ သူ့ကို မင်းအနားမှာ ရှိစေချင်တာလား။
ဒါ အချစ် မဟုတ်ဘူး။ ပိုင်ဆိုင်ချင်စိတ်ပါ။

သူက မင်းကို အနမ်းလေး ပေးတယ်။ မင်းရဲ့ လက်ကလေးကို မြဲမြဲ
ဆုပ်ကိုင်ထားလို့ မင်း သူ့အနားမှာ ရှိနေတာလား။
ဒါ အချစ် မဟုတ်ဘူး။ ကိုယ့်ကိုယ်ကို ယုံကြည်မှု နည်းနေလို့ပါ။

အချစ်ပါလို့ ဖြောင့်ချက်ပေးပြီး သူ့အနားမှာ မင်းနေပေးတာ သူ့ကို လုံးဝ
မထိခိုက်စေချင်လို့ မဟုတ်လား။
ဒါ အချစ် မဟုတ်ဘူး။ သနားတာလေ။

သူ့ရဲ့ အကြည့်တစ်ချက်မှာ ရင်ခုန်သံ ရပ်တန့်မတတ် ဖြစ်သွားလို့ သူ့ကို
ပုံအပ်လိုက်ချင်တာလား။
ဒါ အချစ် မဟုတ်ဘူး။ အရူးအမူး စွဲလမ်းတာ လောက်ပါ။

သူ့ကို သိပ် ဂရုစိုက်လို့ သူ့အပြစ်တွေကို ခွင့်လွတ်ပေးနိုင်တာလား။
ဒါ အချစ် မဟုတ်ဘူး။ သူငယ်ချင်းကောင်းတစ်ယောက်ရဲ့ ခင်မင်ရင်းနှီးမှုပါ။

အတွေးထဲမှာ နေ့တိုင်းလိုလို သူ့တစ်ယောက်တည်းပဲ ရှိနေတယ်လို့ မင်း သူ့ကိုပြောသလား။
ဒါ အချစ် မဟုတ်ဘူး။ လိမ်နေတာ။

သူ့အတွက် ကိုယ့်ကြိုက်တဲ့ အရာအားလုံးကို စွန့်လွှတ်ဖို့ ၀န်မလေးဘူး မဟုတ်လား။
ဒါ အချစ် မဟုတ်ဘူး။ အဲဒါ ပေးကမ်း စွန့်ကြဲ ရဲတဲ့ စိတ်ဓါတ်ပါ။

သူ ၀မ်းနည်းတဲ့အခါ မင်း အသည်းကြွေမတတ် ခံစားရသလား။
ဒါမှ အချစ်လေ။

သူရဲ့ နာကျင်မှုတွေ အတွက် အပြင်ပန်း မဟုတ်တောင် စိတ်ထဲက ကျိတ် ငိုကျွေးခဲ့ရသလား။
အဲဒါ အချစ်လေ။

မင်းရဲ့ မေတ္တာစစ် မေတ္တာမှန်နဲ့ မင်းရဲ့ ရင်တွင်း ခံစားချက်တွေကို သူ
မြင်နိုင်ရဲ့လား။
ဒါမှ အချစ်လေ။

ဒုက္ခတွေ သုခတွေနဲ့ စည်းနှောင်ထားပြီး အဲဒီ ကြီးမားတဲ့ အားတွေက မင်းတို့
နှစ်ယောက်ကို လက်တွဲညီညီ ဖြစ်အောင် ဖန်တီးထားတာလား။
ဒါဆို အချစ်လေ။

သူ့ရဲ့ အားနည်းချက်တွေကို သူ့ရဲ့ အစိတ်အပိုင်း တစ်ခုအနေနဲ့ လက်ခံထားတာလား။
အဲဒါ အချစ်ပါ။

တခြားသူတွေကို စွဲဆောင်ဖို့ ကြိုးစားပေမယ့် သူ့ကိုပဲ
အကြောင်းပြချက်မရှိဘဲ သစ္စာရှိရှိနဲ့ အတူ လက်တွဲနေသလား။
ဒါဆို အချစ်လေ။

မင်းရဲ့ နှလုံးသား၊ မင်းရဲ့ အသက်နဲ့ မင်းရဲ့ ဘ၀ကို သူ့ကို ပေးဖို့ ၀န်မလေးဘူးလေ။
ဒါဟာ အချစ်ပဲပေါ့။

အခု အချစ်ဟာ သိပ် ခါးသီး နာကျင်နေစေမယ် ဆိုရင် ကျနော်တို့ ဘာကြောင့် ချစ်ကြဦးမလဲ။
ဘာအတွက်ကြောင့် ဒါကြီးကို တစ်ဘ၀လုံး ရှာနေဦးမလဲ။
ကျနော်တို့ ဒါကို ဘာလုပ်ဖို့ တောင့်တနေဦးမလဲ။
ဒီအနာတရ၊ ဒီမချိမဆံ့ ဝေဒနာ၊ ဒီဒုက္ခတွေက ဘာကြောင့်လဲ။
ကိုယ့်ရဲ့ အတ္တကိုတောင် ဆန့်ကျင်ရဲတဲ့ သတ္တိနဲ့လေ။ အဲဒါ ဘာအတွက်လဲ။
အဖြေက သိပ်ရိုးရှင်းပါတယ်။ အဲဒါ အချစ်ကြောင့်လေ။
ဘယ်လောက်ထိ ဆွဲဆောင်အား ကောင်းသလဲဆိုရင် အချစ် မရှိဘူး ဆိုတဲ့လူတွေတောင်
ခံစားကြည့်ချင်တယ်။ ရှိပြီးသား လူတွေက သူများကိုလည်း ခံစားစေချင်တယ်လေ။

လူတိုင်းချစ်ခြင်းကို တန်ဖိုးထားနိုင်ကြပါစေ။

Mail ထဲကရတာလေး ပြန်ဝေမျှတာပါ

Happy New Year 2010 Fireworks !!!

၂၀၁၀နှစ်သစ်ကူးမှာ ရောက်ရှိလာတဲ့ဘလော့ကာမိတ်ဆွေများအားလုံး မင်္ဂလာအပေါင်းနဲ့ပြည့်စုံပါစေလို့ ဆုမွန်ကောင်းတောင်းလိုက်ပါတယ်။


နိုင်ငံတော်တော်များများရဲ့နှစ်သစ်ကူးမီးပန်းပါ။






Youtube ကနေကူးယူထားတာပါ။

Heart attack ရခဲ့သော် (သို့ ) နှလုံးအဆုတ် အသက်ကယ်နည်း

ညနေ ၆း၁၅ လောက်မှာ သင်ဟာအိမ်ကိုတစ်ယောက်တည်းပြန်လာနေတယ် ဆိုကြပါစို့ ။ အလုပ်မှာကလည်း စိတ်လှုပ်ရှားပင်ပန်းခဲ့ တဲ့ နေ့ ဆိုပါတော့။ သင်ဟာ တကယ်မောပန်း စိတ်ပျက်နေတဲ့အချိန်ပါပဲ။ ဒီချိန်မှာရုတ်တရက် ရင်ခေါင်းထဲက ပြင်းထန်တင်းကြပ်နာကျင်မှုမျိုး သင်ခံစားလိုက်ရပါတယ်။အထဲက လက်နဲ့ ဆွဲဆုပ်ညှစ်ထားသလိုမျိုး၊ ရင်ဘတ်ပေါ် လူတစ်ယောက်တက် ထိုင်ထားသလိုမျိုး ခံစားရပြီး အရမ်းပြင်းထန်လို့ ချွေးသီး ချွေးပေါက်တွေတောင် ကျလာပါတယ်။ ဒီနာကျင်မှုဟာ လက်မောင်းတွေ၊ မေးရိုးတွေအထိ ထုံကျင်ပျံ့ နှံ့ သွားပါတယ်။ ဒီတော့ သင် ကြားဖူးထားလို့ သိလိုက်ရတာက ဒါဟာနှလုံးသွေးကြောပိတ်ပြီး နှလုံးက အောက်စီဂျင် မရတဲ့ရောဂါ ( Ischaemic Heart Disease ) ရဲ့ နှလုံးရုတ်တရက်ထဖောက်ခြင်း ( Heart Attack) ဆိုတာပါပဲ။ ကံဆိုးစွာပဲ သင်နဲ့ အနီးဆုံးဆေးရုံဆေးခန်းဟာ ၅မိုင်လောက် ဝေးပါတယ်။ ဒီချိန်မှာ နောက် တစ်မိနစ်လောက်တောင် သင်အသက်ဆက် ရှင်နိုင်ပါတော့မလားလို့ ထင်ရလောက်အောင် ဝေဒနာကလဲ ဆိုးဝါးလာပါတယ်။ ဒါဆို သင်ဘာလုပ်မလဲ........?

သင်အရင်တုန်းက Cardiopulmonary Resuscitation, CPR လို့ ခေါ်တဲ့ အရေးပေါ်နှလုံးအဆုတ် အသက်ကယ်နည်းကို သင်ခဲ့ရဖူးမှာပါ။ လူနာကို ရင်ဘတ်ပေါ်ကနေ လက်နဲ့နှလုံးကို ၃ ချက်နှိုးလိုက်၊ လူနာကိုနှာ ခေါင်းပိတ်ပြီး ပါးစပ်ကနေ ၁ ချက် လေမှုတ်သွင်းပေးလိုက် စည်းချက် ကျကျလုပ်ရတာဆိုတာ သင်သိပါတယ်။ အခုသင့်ကို ဒီလိုလုပ်ပေးဖို့ လိုလာပြီဆိုတာ သင်သိလိုက်ပါပြီ။ ဒါပေမယ့် အနားမှာ လူတစ်ယောက်မှ မရှိတဲ့နေရာကို သင်ရောက်နေတယ်ဆိုရင် သူများကို ဘယ်လိုလုပ်ခိုင်းမလဲ။ ဒီအတွက် လူတိုင်းကိုယ့်ကိုယ်ကို လုပ်လို့ ရတဲ့ CPR အသက်ကယ်နည်းကို တင်ပြပေးချင်ပါတယ်။

CPR ဆိုတာ heart attack ရလို့ ။ဓာတ်လိုက်သွားလို့ ၊ ရေနစ်လို့ ၊ အကြောင်းကြောင်းကြောင့် အသက်ရှူရပ်သွားလို့  စတာတွေဖြစ်ခဲ့ရင် လူနာရဲ့ အသက်ကို ကယ်တင်ဖို့ နှလုံးနဲ့ အဆုတ်ကို ပုံမှန်အလုပ် ပြန်လုပ်အောင် နှိုးပေးတာဖြစ်ပါတယ်။ ပါးစပ်ကနေ လေမှုတ်သွင်း အသက်ရှူစေခြင်းနဲ့ နှလုံးဖိနှိုးခြင်း ဆိုပြီး နှစ်ပိုင်းပါပါတယ်။ကမ္ဘာပေါ်မှာ နှစ်တိုင်း heart attack ၊ အဆိပ်မိခြင်း၊ ရေနစ်ခြင်း စတာတွေကြောင့် နှစ်စဉ်လူတွေသန်းနဲ့ချီ သေနေကြပါတယ်။ ဖြစ်ပြီးပြီးချင်း CPR သာလုပ်ပေးမယ်ဆိုရင် အများစုရဲ့  အသက်ကို ကယ်လို့ ရမှာပါ။ ဒီတော့ လူတိုင်းဒီနည်းကို တတ်ထားသင့်တာပေါ့။ ဒါက ရိုးရိုးCPR ကိုပြောတာပါ။ ဒါထက်အရေးကြီးတာက ကိုယ် တစ်ယောက်တည်း ရှိနေတဲ့အချိန် ရုတ်တရက် heart attack ရတယ်။ လူကလဲမေ့မျောချင်လာပြီဆိုရင် ကိုယ့်ကိုယ်ကို CPR လုပ်နည်းလေး မှတ်ထားကြပါ။

အသက်ပြင်းပြင်းရှူသွင်းလိုက်ပြီး အားနဲ့ ချောင်း အဆက်မပြတ် လုပ်ဆိုးလိုက်ပါ။ ချောင်း တစ်ချက်ချင်းစီကိုလည်း ရင်ခေါင်းထဲကနေ ကြာကြာလေးဖြစ်အောင် ဆွဲဆိုးပါ။ သလိပ်တွေ ထွက်လာရင် ထွက်လာပလေ့ စေ။ အသက်ဆက်တိုက်ရှူပြီး ချောင်းဆက်တိုက် ဆိုးပေးပါ။ အရမ်းမြန်ရင်တော့ ပိုမောစေလို့ မှန်မှန်ပဲလုပ်ပါ။ ဒါဟာသင့်အသက်ကို သင်ကယ်နေတာ ဖြစ်ပါတယ်။ တဖြည်းဖြည်းပိုပြီးနေလို့ ကောင်းလာတာ သင်ခံစားရမှာပါ။ သွားလိုတဲ့ဆေးရုံမရောက်သေးခင် ၊ကုသပေးမယ့် သူတွေမရောက်သေးခင် အထိ ဒီလိုလုပ်ပေးပါ။

အသက်ပြင်းပြင်း ရှူလိုက်တော့ အဆုတ်ထဲလေတွေ အများကြီးဝင်လာပြီး လတ်တလော အောက်စီဂျင်ပိုရစေပါတယ်။ ချောင်းဆိုးခြင်းက နှလုံးကို ဖျစ်ညှစ်ပေးပြီး သွေးလှည့်ပတ်မှုကို မြှင့်တင်ပေးပါတယ်။ ဒါကြောင့် နှလုံးပုံမှန်ပြန်ခုန်စေပြီး နှလုံးရောဂါ ထဖောက်လာတဲ့လူနာက ဒီနည်းနဲ့ ဆေးရုံကို ဘေးကင်းစွာ မျှော်လင့်ချက်ရှိရှိ ရောက်ရှိနိုင်မှာ ဖြစ်ပါတယ်။ ဒီဆောင်းပါးကို ဖတ်ပြီးပြီဖြစ်လို့ သင်ကိုယ်တိုင်ဖြစ်လာခဲ့ရင် CPR လုပ်ပြီး သင့်အသက်ကို ကယ်ဆယ်ဖို့  သတိရပါ။ သူများတွေကိုလည်းဖြန့် ဝေပေးရင် အသက်ပေါင်း မြောက်မြားစွာကို ကယ်တင်ပြီးသားဖြစ်မှာပါ။

MMSO မှ ကူးယူတင်ပြသည်။

အဆုံးသတ်ဘဝ

အရာရာဟာ
ဆွေးမြေ.ကြေကွဲလို့ နေတယ်။
ကွန်ပျူတာသုံးတိုင်း
နင့်ကိုသတိရမိတယ်။
တကယ်တော့
နင်ဟာငါ့ဘဝမှာ
အရေးပါဆုံးဘဲ။
ငါမရှိလို့
နင်နေတတ်ပေမဲ့
နင်မရှိလို့
ငါနေတတ်အောင်
ကြိုးစားမယ်။
ငါ ...............
ကိုယ့်ကိုယ်မြတ်နိုးတဲ့လူတစ်ယောက်
အချစ်စစ်ကိုပေးဖို့
ကြိုးစားရင်း
ဘဝကိုရေစုန်မမျှောပစ်ဖို့
ကြိုးစားရင်း
ဒွိဟတွေကြားမှာ
မောပန်းခဲ့တယ်။
နင် .................
ငါ့ကိုမရှာပါနဲ့ တော့
ငါလဲနင့်ကိုမရှာတော့ဘူး။
ဒီလိုနဲ့ ဘဲ
အဆုံးသတ်ရအောင်။

honeypot ( ပျားရည်အိုး )

အမှတ်တရ အလွဲ

နွေဦးရဲ့ ပထမဆုံးရည်းစားနဲ့ လွဲခဲ့ရတဲ့ဇာတ်လမ်းလေးပါ........ ကောင်မလေးကတောင်ကြီးသူလေ..
ညီအမနှစ်ယောက်ရှိတယ်.....ကျွန်တော့်ကောင်မလေးကအကြီးမ ပါ....
ဖြစ်ပုံကဒီလိုဗျ...တောင်ကြီးတန်ဆောင်တိုင်မှာစပီးသိကြတာ.....ဒီလိုနဲ့ ရည်းစားတွေဖြစ်ကြပီးမကြာခင်မှာ...ရှင်းမရတဲ့ ပြသနာကြောင့်လွဲရတဲ့ အဖြစ်ပါ...ကျွန်တော်ရေးမိတဲ့..
စာတစ်စောင်ကြောင့်လို့ပဲပြောရမှာပေါ့လေ...
သူနဲ့ ကျွန်တော် လျှောက်လည်ကြတော့...သူ ကလက်အိပ်ဝတ်မထားဘူးလေ....ကျွန်တော်လည်းလက်အိပ်ဝယ်ပြီး...လက်ဆောင်ပေးဖို့ စဉ်းစားမိတယ်...ဘယ်မှာ ၀ယ်ရမှန်းလည်းမသိဘူး...သူ့ ညီမလေးကလည်း...သူငယ်ချင်းအတွက်လက်ဆောင်ပေးဖို့ ဝယ်စရာ...
ရှိတယ်တဲ့.....ဒါနဲ့ ပဲ...နှစ်ယောက်သားဈေးကိုလာကြတယ်...ဆိုင်ရောက်တော့. ..သူ့ ညီမလေးက..
under wear ၀ယ်တယ်...ကျွန်တော်က..သူ့ အတွက်..လက်အိပ်ဝယ်တယ်...အရောင်းစာရေးမလေးက
packing ကိုတရောင်တည်း၊တရွယ်တည်းထုပ်လိုက်တယ်လေ...ကျွန်တော်လည်း ...ပြန်မစစ်တော့ဘူးလေ....ပီးတော့ကိုယ့် ချစ်သူကိုအံ့အားသင့်စေချင်တော့....သူ့ ညီမနဲ့ ထည့်မပေးပဲ..
စာတိုက်ကနေ..ထည့်ပေးလိုက်တယ်...ပီးတော့စာတစ်စောင်ပါရေးပေးလိုက်သေးတယ်ဗျ.....
ဒီစာကြောင့်ပဲ...လွဲခဲ့ ရတယ်ဆိုပါတော့ဗျာ......
သို့
ချစ်လေးအတွက်မွေးနေ့လက်ဆောင်ပို့လိုက်တယ်.....
ဘာကြောင့်ဒီလက်ဆောင်လေးပေးရလဲဆိုတော့ချစ်နဲ့ကို
ညနေပိုင်းလမ်းလျှောက်ထွက်တဲ့အခါချစ်လေးဝတ်လေ့မရှိဘူး ဆိုတာ....
ကိုသတိထားမိတယ်ဒါကြောင့်ချစ်ဝတ်စေချင်လို့လက်ဆောင်ပေးဖို့
စိတ်ကူးမိတာ။အစတုံးကတော့ နှိပ်ကြယ်သီးလေးပါတာဝယ်အုံးဖို့
ချစ်ရဲ့ ညီမလေးကပြောတယ်ကြယ်သီးပါတာကချွတ်ရစွတ်ရမကောင်းဘူးတဲ့ ...
ဒီဟာလေးက ချွတ်ရစွတ်ရလွယ်တယ်တဲ့သူတောင်ဝတ်ပြသေးတယ်
လှလိုက်တာလေ...၊ ဆိုင်ကကောင်မလေးကလဲသူလည်ဲးဒါပဲသုံးတာတဲ့....
သူလည်းဝတ်ပြတယ်...ဟုတ်တယ်...လှတယ် အဲဒါနဲ့ကိုလဲအဲဒါလေးပဲဝယ်ခဲ့တယ်
ကိုနဲ့တွေ့ရင်အဲဒါလေးဝတ်ရမယ်နော်..တွေ့ရင်တော့လားနမ်းပစ်လိုက်အုံးမှာ
ဒါပဲနော်..သောကြာနေ့ကိုနဲ့တွေ့တဲ့အခါ ကိုနမ်းဖို့ဝတ်လာခဲ့နော် .......
ကို...
မှတ်ချက်။ ။အနားသတ်မှာအမွှေးဖွားဖွားလေးတွေပါတာဝယ်အုံးမလို့ 
ဒါပေမယ့်အသည်းလေးယားမှာဆိုးလို့ပြီးတော့ဈေးလဲကြီးလို့
ဟီးဟီး...ဒါပဲနော် ၀တ်လာခဲ့ ဖက်ကိုနမ်းအုံးမှာ။

အော်....ပြောဖို့ မေ့နေလို့ ဗျို့... သူ့ ညီမလေးကသူ့ သူငယ်ချင်းကိုပေးမယ့်လက်ဆောင်ထုပ်နဲ့ မှားသွား.
တာဗျ.....နောက်မှသိရတာလေ...ဒါပေမယ့်ဆေးမမှီတော့ဘူးလေ ...
သိတယ်မှတ်လား.....နွေဦးလေ...နွေဦး...ဂလောက်တော့ရှိ မပေါ့..ဟီးဟီး

( သူငယ်ချင်းတစ်ယောက်ပို့ ပေးတာပါ ၊ ဖြစ်ရပ်မှန်ဇတ်လမ်းလေးပါ )

Create Website in photoshop Step By Step

photoshop နဲ့ လုပ်ထားတာပါ။

မူရင်းလုပ်ပုံလုပ်နည်းကို ဒီမှာ ယူလို့ ရတယ်နော်။

အရောင်များအကြောင်း

အရောင်ရဲ့အဓိပ္ပါယ်တွေကို မပြောခင် အရင်ဆုံး အရောင်စက်ဝိုင်းကြီး (Color Wheel)ကို နည်းနည်းပြောပြဦးမယ်လေ.. အရောင်စက်ဝိုင်းမှာ အခြေခံအရောင်က ၃ ရောင်ပဲရှိပါတယ်.. အဝါ အနီနဲ့ အပြာပါ.. သူက အရောင်ရဲ့ပြင်းအားအတိုင်း အစဉ်လိုက်ခေါ်တာမို့လို့ အပြာ အနီ အဝါလို့ ပြောင်းပြန်ခေါ်လို့မရဘူး.. အဲ့ဒိအခြေခံ ၃ ရောင်ပေါင်းပြီးမှာ တခြားအရောင်တွေ ဖြစ်လာပါတယ်.. အောက်က ပုံကိုကြည့်လိုက်ရင် သဘောပေါက်မှာပါ..

အဲ့ဒိမှာမှ အဝါနဲ့ မရမ်းကို အလည်မျဉ်းထားပြီး ဟိုဘက်ဒီဘက်ခွဲမယ်ဆိုရင် ဒီဘက်က အနီတွေလိမ္မော်တွေ ပါတာက အပူအုပ်စုဖြစ်ပြီး ဟိုဘက်က အပြာတွေ အစိမ်းတွေနဲ့က အအေးအုပ်စုဖြစ်ပါတယ်.. အလည်လို့သတ်မှတ်ပိုင်းခြားထားတဲ့ အဝါနဲ့ မရမ်းကတော့ ကြားရောင်တွေပေါ့.. သူတို့က အပူထဲလည်းဝင်လို့ရ အအေးလို့လည်းပြောလို့ဖြစ်တဲ့ အရောင်တွေပါ.. ပြီးတော့ ကာလာစက်ဝိုင်းမှာပြထားသလို မျက်နှာချင်းဆိုင်အရောင်တွေဟာ ဆန့်ကျင်ဘက်တွေဖြစ်ပါတယ်.. ဥပမာ အနီနဲ့အစိမ်း.. လိမ္မော်နဲ့အပြာ.. ကပ်လျက်အရောင်တွေကိုတော့ လိုက်ဖက်ရောင်လို့သတ်မှတ်ပါတယ်.. ဥပမာ အဝါနဲ့အစိမ်း.. အနီနဲ့မရမ်း.. ဒါကြောင့် အဝါနဲ့အစိမ်းတွဲဝတ်ရင် သူဟာ harmony အတွဲဝတ်ထားတာဖြစ်ပြီး.. အဝါနဲ့မရမ်းတွဲဖက်ဝတ်ရင် contrast ဝတ်တယ်လို့ပြောလို့ရပါတယ်.. ဖက်ရှင်တွေ ဒီဇိုင်းတွေမှာတော့ harmony တွဲတာဟာ static ဖြစ်တယ်.. ငြိမ်သက်တယ် ပြေပြစ်တယ်.. contrast color တွေဟာတော့ dynamic ပဲ.. ထိုးဖောက်တယ် လှုပ်ရှားတယ်ပေါ့..

အိုကေ .. ဒါဖြင့် အရောင်တွေရဲ့ ကိုယ်စားပြုအဓိပ္ပါယ်တွေကို စပြောကြမယ်..

အနီရောင် - သူကတော့ လှုပ်ရှားတက်ကြွတာ.. ကိုယ့်ကိုယ်ကိုယ် ယုံကြည်မှုရှိစေတာ.. သတ္တိနဲ့ ခွန်အားဗလကို ကိုယ်စားပြုပါတယ်.. တရုတ်တွေအတွက်တော့ မင်္ဂလာအရောင်ပေါ့.. ပြီးတော့ သွေးရဲ့အရောင် စိတ်လှုပ်ရှားစေတာ အချစ်.. စစ်ပွဲ စတာတွေနဲ့လည်း သက်ဆိုင်ပါသေးတယ်.. နီလိမ္မော်ကတော့ စိတ်စွမ်းအင် ရမက်ဆန္ဒတွေပါတဲ့..

ပန်းရောင် - အချစ်နဲ့ အလှအပကို ကိုယ်စားပြုပါတယ်.. မိန်းကလေးတွေရဲ့အရောင်လို့လည်း သတ်မှတ်ကြသေးတယ်လေ..

အညို - သူကတော့ မြေကြီးကို ကိုယ်စားပြုတယ်.. လေးလံထိုင်းမှိုင်းတာ အထီးကျန်တာတွေလို့လည်းပြောကြပါတယ်..

လိမ္မော် - သတ္တိအရောင်အနီနဲ့ ပျော်ရွှင်ခြင်းအရောင် အဝါတို့ပေါင်းထားလို့ လိမ္မော်ဟာ ဆွဲဆောင်မှု.. ဆုံးဖြတ်နိုင်စွမ်း.. လှုံ့ဆော်မှု.. တီထွင်ဥာဏ်.. ခွန်အားဗလနဲ့ တာရှည်ခံတာ.. ပြီးတော့ လှုပ်ရှားထိုးဖောက်တာတွေရဲ့ အရောင်ပါ.. လိမ္မော်ရောင်ဟာ ဦးနှောက်ရဲ့ အောက်စီဂျင်နှုန်းကို တိုးမြှင့်ပေးနိုင်ပါတယ်တဲ့.. ဒါကြောင့်မို့ စားသောက်ကုန်တွေနဲ့ ကလေးကစားစရာတွေမှာ အသုံးပြုဖို့ အရမ်းကိုသင့်တော်တာပေါ့.. (ဒါက မောင်လေတံခွန် အထူးပြုမေးထားတဲ့ အရောင်)

ရွှေရောင် - ချမ်းသာခြင်း အောင်မြင်ခြင်းတွေ.. ပြီးတော့ ပညာဥာဏ်ကိုလည်း ဆိုလိုပါသေးတယ်..

အဝါ - ပျော်ရွှင်ခြင်း စိတ်ကူးဥာဏ်ထက်သန်ခြင်းတို့အပြင် အဝါရင့်ရောင်ဟာ မနာလိုခြင်းကိုလည်း ကိုယ်စားပြုတယ်ပြောပါတယ်.. အဝါဟာ အနက်နဲ့တွဲရင် ပိုပြီးထင်ရှားတောက်ပလာတတ်ပေမယ့် ဝမ်းနည်းကြေကွဲခြင်းသရုပ်သဏ္ဍာန်ကို ပိုပြီးပေါ်လွင်သွားစေပါတယ်.. အဝါရောင်အခန်းတွေထဲမှာဆိုရင် ကလေးတွေဟာ ပိုပြီးငိုတတ်ကြပါသတဲ့.. ဒါပေမယ့်လည်း အဝါနုရောင်ဟာ နွေးထွေးခြင်းနဲ့တောက်ပခြင်းဂုဏ်သတ္တိရှိလို့ ကျောင်းသားကျောင်းသူအသုံးအဆောင်တွေမှာ အဝါကို အသုံးပြုကြလေ့ရှိပါတယ်..

အစိမ်း - သူကတော့ သဘာဝတရား နွေးထွေးကြင်နာတာ ဖွံ့ဖြိုးတာ နောက်ပြီး ကျန်းမာရေးရဲ့အရောင်ပါ.. ကြီးထွားခြင်း လတ်ဆတ်ခြင်းတို့ကို ကိုယ်စားပြုတဲ့ အစိမ်းရောင်ဟာ လုံခြုံခြင်းကိုလည်း ခံစားရစေပါတယ်.. သစ်ပင်စိမ်းများ မြက်ခင်းစိမ်းများကိုကြည့်ပေးတာဟာ မျက်လုံးကျန်းမာရေးကို အထောက်အကူပြုပေးနိုင်ပါသတဲ့.. အစိမ်းရင့်ရောင်ကို ငွေကြေးရောင်လို့သတ်မှတ်လေ့ရှိပြီး အစိမ်းနုနုတောက်တောက်ကတော့ သတ္တိကြောင်တာကိုလည်း ဆိုလိုပါသေးတယ်.. သံလွင်စိမ်းရောင်ကတော့ ငြိမ်းချမ်းခြင်းလို့ သတ်မှတ်ထားကြပါတယ်…

အပြာ - ငယ်ရွယ်ခြင်း ရှင်သန်ခြင်း ငြိမ်းချမ်းစစ်မှန်ခြင်းတို့အပြင် ယောက်ျားလေးများရဲ့အရောင်လို့ သတ်မှတ်ကြပါတယ်.. ကောင်းကင်နဲ့ ပင်လယ်ကြီးရဲ့အရောင်ဖြစ်လို့ အပြာကို သစ္စာတရားနဲ့ ကောင်းကင်ဘုံအတွက်သတ်မှတ်ထားပါသေးတယ်.. ပြီးတော့ အပြာဟာ အစာစားချင်စိတ်ကိုလည်း ဖြစ်စေပြီး လူတွေရဲ့စိတ်တည်ငြိမ်မှုအတွက်လည်း အထောက်အကူပေးပါသေး..

ခရမ်း - တော်ဝင်တာ သစ္စာရှိတာ.. စည်းစိမ်ရှိတာ.. မှော်ဆန်တာတွေအတွက် သုံးပါတယ်.. စစ်တမ်းတွေအရတော့ ဆယ်ကျော်သက်အရွယ်အများစုဟာ ခရမ်းရောင်ကို ကြိုက်တတ်ကြပါတယ်တဲ့.. ခရမ်းဟာ သဘာဝပတ်ဝန်းကျင်မှာ သိပ်ရှားပါးတဲ့အရောင်ဖြစ်ပါတယ်.. ဒီတော့သူ့ကို အတုအယောင်အဖြစ်လည်း သတ်မှတ်ကြပါသေးတယ်.. ပြီးတော့ ခရမ်းရောင်ကြိုက်သူတွေကို လျှို့ဝှက်တတ်သူ ကြေကွဲတတ်သူ စိတ်ပျက်လွယ်သူတွေလို့လည်း ပြောတတ်ကြသေးတယ်..

အဖြူ - အလင်းနဲ့သက်ဆိုင်တဲ့ အရောင်ဖြစ်တဲ့ ဒီအရောင်က ဖြူစင်ကြည်လင်တာ သန့်ရှင်းတာတွေအပြင် နှင်းပွင့်တွေလိုပဲ အေးချမ်းခြင်းကိုလည်း ဖော်ပြပါတယ်.. ဆေးရုံဆေးခန်းတွေမှာ အဖြူရောင်တွေကို အသုံးများတာဟာ လူ့ရဲ့စိတ်ကိုကြည်လင်စေရုံမကဘဲ အေးချမ်းမှုလည်းရစေလို့ပါ..

အနက် - ငြိမ်သက်တာ ခိုင်မြဲတာ.. မကောင်းဆိုးဝါး.. လျှို့ဝှက်နက်နဲ့တာ.. ပြီးတော့ သေခြင်းရဲ့အရောင်ပါ.. (သေခြင်းလောက်ခိုင်မြဲတာလည်း ဘာမှမရှိတော့ဘူးနဲ့တူပါတယ်နော်).. ဖက်ရှင်လောကမှာတော့ အနက်ဟာ ဆွဲဆောင်အားသိပ်ပြင်းတာ သေသပ်လှပတာဆိုတဲ့ အဓိပ္ပါယ်ပါ.. အနက်ကို လိမ္မော်တို့ အနီတို့လို အရောင်တောက်တောက်နဲ့တွဲသုံးတဲ့အခါမှာ အင်မတန်မှ ဆွဲအားပြင်းတဲ့ အရောင်အတွဲအစပ်ကို ဖြစ်စေတော့တာပေါ့..

မီးခိုး - ဝမ်းနည်းပူဆွေးခြင်း လုံခြုံခြင်း ရင့်ကျက်တည်ငြိမ်ခြင်းတို့အပြင် ပျင်းရိဖွယ်တွေကိုလည်း ဖော်ပြပါတယ်..

# နန်းညီ ဆီက ယူပြီးတင်ပြတာပါ။

GLAUCOMA

မျက်စိ ရေတိမ် ရောဂါ ဟာ အမြင် အာရုံ ကြော (Optic Nerve) ကို ထိခိုက် စေတဲ့ ရောဂါ တစ်မျိုး ဖြစ်ပြီး ပြန်လည် ကုသ မရနိုင် တော့တဲ့ မျက်စိ ကွယ်ခြင်း (Irreversible Blindness) ရဲ့ အကြောင်း တစ်ရပ် လည်း ဖြစ်ပါတယ်... ကမ္ဘာ တစ်ဝှမ်း မှာ ရေတိမ် ရောဂါ ကြောင့် မျက်စိ နှစ်ဖက် လုံး ကွယ်သူ ပေါင်း ၆သန်း ခန့် ရှိနေ ပါတယ်... အမေရိက ရဲ့ စစ်တမ်း တစ်ရပ် မှာတော့ အမေရိက မှာ လူဦးရေ ၃သန်း ခန့် ရေတိမ် ရောဂါ ခံစား နေရပြီး အဲဒီ ထဲက တစ်ဝက် လောက်ဟာ မိမိမှာ ရေတိမ် ရောဂါ ရှိမှန်း မသိသူ များ ဖြစ်ကြ ပါတယ်... အကြောင်းမှာ ဖြစ်စ တွင် ရောဂါ လက္ခဏာ မသိသာ ခြင်း၊ မျက်စိ မှုန်ဝါး လာတာ ကို ရေတိမ် ရောဂါ ကြောင့် ဟု မသိ ခြင်း တို့ကြောင့် ဖြစ်ပါတယ်...

မျက်လုံး တွင်းရှိ ရေဖိအား (Intraocular Pressure) အကြောင်း ပထမ အနေနဲ့ ပြောပြ ချင်ပါတယ်... မျက်လုံး တွင်း ရေဖိအား ဟာ ပုံမှန် အားဖြင့် ၈ မှ ၂၂ မီလီမီတာ မာကျူရီ (8 to 22 mmHg) ကြားမှာ ရှိပါတယ်.. ရေဖိအား နည်းရင် မျက်လုံး ပျော့သွား ပြီး ရေဖိအား များလာ ရင် မျက်လုံး မာကျော လာ ပါတယ်.. မျက်လုံး တွင်း အရည် (Aqueous Humor) များကို မျက်ဝန်း (Iris) အနောက်ဖက် နဲ့ မျက်စိ မှန်ဘီလူး (Lens) ဘေးရှိ စီလီယာရီ ဘော်ဒီ (Ciliary body) များက ထုတ်လုပ် ပေးပါတယ်... အဲဒီ ကနေ သူငယ်အိမ် (Pupil) ကို ဖြတ်ကာ မျက်စိ ရှေ့ပိုင်း ရှိ အစိတ် အပိုင်း များ အာဟာရ အတွက် ဖြည့်ဆည်း ပေးပြီး မျက်ကြည်လွှာ (Cornea) နဲ့ မျက်ဝန်း ကြားထောင့် လမ်းကြောင်း (Trabecular Mechwork) မှတစ်ဆင့် စီးဆင်း ထွက် သွားပါတယ်.. အကြောင်း အမျိုးမျိုး ကြောင့် လမ်းကြောင်း ပိတ်သွား ခြင်း၊ဒါမှ မဟုတ် အရည် ထုတ်လုပ် မှုများ ခြင်းတို့ ကြောင့် မျက်လုံး တွင်း ရေဖိအား မြင့်တက် လာပြီး ရေတိမ် ရောဂါ လက္ခဏာ များ ဖြစ်ပေါ် လာပါတယ်... မည်သည့် အတွက် ကြောင့် ရေတိမ် ရောဂါ ဖြစ်ရသည် ကိုမူ ယခုထိ ရှင်းရှင်း လင်းလင်း မသိ ရသေးပါ.. ဒါပေမယ့် မျိုးရိုး လိုက်ပြီး ဖြစ်တတ် ကြောင်း၊ အနောက် နိုင်ငံ များတွင် လူမည်း များ၌ အဖြစ် များကြောင်း တွေ့ရှိ ရပါတယ်...

ရေတိမ် ရောဂါ အဓိက အားဖြင့် နှစ်မျိုး ရှိပါတယ်...

1. ထောင့်ကျယ် ရေတိမ် (Open-Angle Glaucoma)
2. ထောင့်ကျဉ်း ရေတိမ် (Closed-Angle Glaucoma)

တို့ ဖြစ်ပါတယ်...

ထောင့်ကျယ် ရေတိမ် ဟာ အဖြစ် များဆုံး အမျိုး အစား ဖြစ်ပြီး ဖြစ်စမှာ လက္ခဏာ မပြသ ဘဲ အချိန် အတော် ကြာမှသာ လက္ခဏာ များ ပြလာ ပါတယ်... အရည် စီးထွက် ရာ လမ်းကြောင်း ပိတ်ဆို့ မှုကြောင့် ဖြစ်ပေါ် ရပြီး မျက်စိ မှုန်ဝါး လာခြင်း၊ အမြင် အာရုံ ကျဉ်းမြောင်း လာခြင်း စတဲ့ လက္ခဏာ များ ပြသ လာပါတယ်... ထောင့်ကျဉ်း ရေတိမ် ကတော့ ရုတ်တရက် လက္ခဏာ များ ဖြစ်ပေါ် လာတတ် ပြီး မျက်လုံး နီရဲ လာခြင်း၊ မျက်စိ ကိုက်လာ ခြင်း၊ ခေါင်းကိုက် ပျို့အန် တတ်ခြင်း၊ အမြင် မှုန်ဝါး ပြီး အလင်းရောင် ကြည့်တဲ့ အခါ ဘေးမှာ အလင်း ကွင်း (Halo) များ မြင်ရ ခြင်း တို့ ဖြစ်ပေါ် တတ်ပါတယ်... ထောင့်ကျဉ်း ရေတိမ် ဟာ မျက်ဝန်း နဲ့ အရည် စီးထွက် ရာလမ်း ကြောင်း တို့ ထိကပ် ပိတ်ဆို့ မှုကြောင့် ဖြစ်ပေါ် လာရ ပါတယ်.. အဆိုပါ ရေတိမ် ရောဂါ များကို အချိန်မီ ကုသမှု မခံယူ ပါက ရေဖိအား များသည့် ဒဏ်ကြောင့် မြင်လွှာ (Retina) ရှိ အမြင် အာရုံ ကြော (Optic Nerve) ထိခိုက် ချိုင့်ဝင် သွားပြီး လုံးဝ မျက်လုံး ကွယ်သွားခြင်း (Permanent Blindness) ဖြစ်ပေါ် စေပါတယ်..

မျက်စိ ရေတိမ် ရှိမရှိ စမ်းသပ် ရန် မျက်စိ အထူးကု ဆရာဝန် မှသာ စစ်ဆေး ဆုံးဖြတ် နိုင်မှာ ဖြစ်ပါတယ်.. မျက်လုံးတွင်း ရေဖိအား တိုင်း ကိရိယာ (Tonometry) ဖြင့် တိုင်းတာခြင်း၊ မျက်စိ စစ်ဆေး ကိရိယာ (Ophthalmoscope) ဖြင့် အမြင် အာရုံ ကြော အခြေ အနေ၊ မျက်လုံး တွင်း အခြေ အနေ များကို စစ်ဆေးခြင်း၊ မြင်ကွင်း စစ်ဆေး ခြင်း (Visual Field Testing) တို့ဖြင့် ပြလုပ် ကာ ရေတိမ် ရှိမရှိ စစ်ဆေး နိုင်ပါတယ်...

ကုသမှု အနေ ဖြင့် သောက်ဆေး၊ မျက်စဉ်း ခပ်ဆေး၊ ခွဲစိတ် ကုသ ခြင်းနည်း တို့ဖြင့် ပြုလုပ် နိုင်ပါတယ်.. Beta blockers (timolol, levobunolol, metipramolol) စသည့် မျက်စဉ်း ဆေး များမှာ စီလီ ယာရီ ဘော်ဒီ မှ အရည် ထုတ်လုပ် မှုကို လျှော့ချ ပေးပြီး မျက်လုံးတွင်း ရေဖိ အား လျော့ကျ စေပါတယ်.. Adrenergic agonists (Beta2 agonists) အုပ်စု ဆေးများ ဖြစ်တဲ့ (Brimonidine, Apraclonidine, Dipivefrin) ကတော့ အရည် ထုတ်လုပ် မှု ကျဆင်း စေတဲ့ အပြင် အရည် စီးထွက် မှုကို လည်း ဖြစ်ပေါ် စေပါတယ်.. Prostaglandin analogs (Latanoprost, Travoprost, Brimatoprost) မျက်စဉ်း ဆေးများ ကတော့ အရည် စီးထွက် မှုကို ဖြစ် စေတဲ့ ဆေးများ ဖြစ်ပါတယ်.. Carbonic Anhydrase Inhibitors (Acetazolamide, Methazolamide) သောက် ဆေးများ ကတော့ အရည် ထုတ်လုပ် မှုကို လျော့ကျ စေပါတယ်.. Parasympathomimetics (Pilocarpine, Echothiophate) စတဲ့ မျက်စဉ်း ဆေးများ ကတော့ အရည် စီးထွက် မှုကို ဖြစ်စေ ပြီး မျက်စိ သူငယ် အိမ်ကို လည်း ကျဉ်းစေလို့ အရင်က တွင်တွင် ကျယ်ကျယ် သုံးပေ မယ့် အခု တော့ အသုံး နည်းလာ ပါတယ်.. ၎င်း မျက်စဉ်း ဟာ တစ်နေ့ ၃-၄ ကြိမ် ခပ်ပေး ရခြင်း ဘေးထွက် ဆိုးကျိုး များတာ ကြောင့် အသုံး နည်းလာ ရတာ ဖြစ်ပါတယ်..

ခွဲစိတ် ကုသ မှု အနေ ဖြင့် ရိုးရိုး ခွဲစိတ် ခြင်း (Trabeculectomy, Viscocanalostomy)၊ လေဆာ ရောင်ခြည် ဖြင့် ခွဲစိတ် နည်းများ (Laser Iridotomy, Laser Trabeculoplasty, Laser Cilioablation) တို့ဖြင့် အရည် စီးထွက် မှု ပွင့်အောင် ပြုလုပ် နိုင်ပါတယ်.. ဒါ့ကြောင့် မျက်စိ ရေတိမ် ရောဂါ ကို ပေါ့ပေါ့ တန်တန် မထား သင့်ပဲ ဂရုစိုက် နေထိုင် ခြင်း၊ မျက်စိ မှုန်ဝါး လာပါက မျက်မှန် လုပ်ရန် အတွက် တစ်ခု တည်းကိုသာ အာရုံ မထားဘဲ တတ်ကျွမ်း သော မျက်စိ အထူးကု ဆရာဝန် နဲ့ စနစ် တကျ စစ်ဆေး ကုသ မှု ခံယူ သင့်ပါ ကြောင်း သတိ ပေးရေး သား လိုက်ရ ပါတယ်.. အားလုံး မျက်စိ ရောဂါ နဲ့ ဘေးဘယာ အပေါင်း မှကင်း ဝေးနိုင် ပါစေ...

References;
http://www.medicinenet.com/glaucoma/article.htm
http://en.wikipedia.org/wiki/Glaucoma

http://health.ngoinmyanmar.org/2009/08/glaucoma.html မှ ကူးယူဖော်ပြသည်။

I am Sorry

အားလုံးဘဲပြန်ဖွင့်လိုက်ပြီနော်။ ခေါင်းမူးလို့ စိတ်ရှုပ်သွားတာပါ။ ဆောတီး ။

Because

စာရေးရတာဝါသနာပါပေမဲ့ အကြောင်းအမျိုးမျိုးကြောင့် စာရေးသားခြင်းကို ခဏရပ်နားထားပါအုံးမယ်။
ခဏဆိုပေမဲ့ အကြာကြီးဖြစ်သွားနိုင်ပါတယ်။ တသက်လုံး မရေးတော့တာလဲဖြစ်နိုင်ပါတယ်။
ဘာဖြစ်တာလဲဆိုတော့ .......
ဘလော့လေးကို ပိတ်ဖို့ ဆန္ဒရှိပေမဲ့ အမှတ်တရလေးဖြစ်ခဲ့စေချင်လို့ ပါ။
အားလုံးကိုခင်တဲ့
Winnie Pooh Gallery

ဘဝ ....... ဘဝ

အဖေ ၊ အမေ ၊ အစ်ကို ၊ ညီမလေး .......... ပျော်စရာကောင်းသောမိသားစုလေးတစ်စု။

ပျော်စရာကောင်းသောမိသားစုလေးတစ်စု၏ဘဝလေးထဲသို့ မမျှော်လင့်သော အဖြစ်ဆိုးဝင်ရောက်ခဲ့သည်။

တစ်နေ့ မှာအဖေကအမေ့ကိုပြောသည် "ငါ့မျက်လုံးတွေပြာပြာနေတယ် ၊ ဘာမှမမြင်ရဘူး " အလွန်စိတ်ပူတတ်သောအဖေ ၊ အမေနှင့်တူတူ ဆေးခန်းသွားပြကြသည်။ နောက်ဆုံး ဦးနှောက်နှင့်အာရုံကြောဆရာဝန်ကြီးဆီရောက်သွားကြသည်။ ဆရာဝန်တွေအမျိုးမျိုးစမ်းသပ်ကြသည် ၊ ဓတ်မှန်ရိုက်ကြသည် ၊ ရောဂါအကြာကြီးရှာဖွေကြသည်။ နောက်ဆုံးမှာ ရောဂါရှာဖွေတွေ့ ရှိသွားကြသည်ထင်ပါ့။ "ဦးနှောက်ထဲမှာရေဝပ်နေသည်တဲ့" ခွဲစိတ်ကုသလိုက်ရင်ပျောက်ကင်းသွားမည်ဟု ဆရာဝန်ကြီးများကပြောကြသည်။ မခွဲစိတ်ပါက မျက်လုံးကွယ်နိုင်သည် ၊ ကိုမာလိုမျိုးဖြစ်နိုင်သည် ဟုပြောဆိုယူဆကြသည်။

အဖေကလဲခွဲစိတ်ဖို့ အားသန်သည် ၊ ဒါမှ သူ့ ရောဂါပျောက်ကင်းသွားမည်ဟု ထင်ပုံရသည်။ ဦးနှောက်ကိုခွဲစိတ်တယ်ဆိုတာ လွယ်တဲ့ကိစ္စတော့မဟုတ် ၊ အရမ်းနူးညံ့သည့်အစိတ်အပိုင်းတစ်ခု။ နောက်ဆုံးအားလုံးဆွေးနွေးတိုင်ပင်ပြီး ယိုးဒယားမှာခွဲစိတ်ဖို့ ဆုံးဖြတ်ခဲ့သည်။ အဖေနှင့်အတူ အဖေ့ညီအရင်း လိုက်ပါသွားသည်။ အမေကတော့ ကလေး၂ယောက်ကို စောင့်ရှောက်ဖို့ ကျန်ခဲ့သည်။ အစ်ကိုကအဲဒီအချိန်မှာ ၁၁နှစ်မပြည့်သေး ၊ ညီမလေးက ၇နှစ်။ အဲဒီအချိန်ကကလေးတွေကကျောင်းတက်နေရတာကိုး။ အမေနှင့်အတူ အမေ့တူမလေးတစ်ယောက် အဖော်အဖြစ်လာနေပေးသည်။

အဲဒီအချိန်ကနိုင်ငံခြားဖုန်းခေါ်ရင်တိုက်ရိုက်ခေါ်လို့ မရ။ အိတ်ချိန်းကိုဖုန်းဆက်ပြီးမှ ကိုယ်ခေါ်ချင်တဲ့ နံပတ်ကိုပေး။ အကြာကြီးစောင့်ရသည်။

ခွဲစိတ်ပြီးအဖေသတိပြန်မရသေးတော့ဖုန်းနေ့ တိုင်းဆက်တာတော့မှတ်မိတယ်။ အမေဆိုပြောဖွယ်ရာမရှိ ၊ အရမ်းစိတ်ပူနေပြီ။ ကိုယ်က ကလေးဆိုတော့ဘာသိမှာလဲ။

တစ်နေ့ ကျောင်းကပြန်လာတော့ အားလုံးမျက်နှာမကောင်းကြဘူး။ ဘာမှတော့မပြောဘူး။ နောက်တော့အမေငိုတယ်။ အဖေဆုံးသွားပြီလို့ ပြောတယ်။ ခွဲပြီးရက်၂၀ထိထင်တယ်။ သတိပြန်မလည်လာတော့ဘူး။ ဟိုကဆရာဝန်တွေကဆုံးပြီလို့ သတ်မှတ်လိုက်ကြတာပါ။ အဖေဆုံးတော့ ၃၈နှစ်ဘဲ ရှိပါသေးတယ်။ ဘဝကြီး မိုးမှောင်ကျခဲ့တဲ့ရက်တွေပေါ့။ အမေဆိုငိုလိုက်တာ ၊ အစ်ကိုလဲငိုတယ်။ ညီမလေးကတော့ အမေငိုလို့ လိုက်ငိုတာ။ အမေဆိုနေမကောင်းဖြစ်ပြီးအိပ်ရာထဲလဲခဲ့တယ်။ နောက်တော့ဒီကလေး၂ယောက်ကိုလူလားမြောက်အောင် စောင့်ရှောက်ဖို့ အတွက် အားတင်းပြီး လောကကြီးကိုရင်ဆိုင်ခဲ့တယ်။

တကယ်လို့ သွားမခွဲရင်ကော အဖေဒီနေ့ ထက်ထိရှိအုန်းမှာလား။ ကံအလှည့်အပြောင်းလေးတစ်ခုမှာအဖေမရှိတော့တာပါ။

အဖေက အရမ်းသဘောကောင်းပါတယ်။ ညီမလေးငိုရင်အမြဲချီနေကြပါ။ ၇နှစ်ရှိနေပြီ ၊ ငိုရင်ချီပြီးချော့တာဘဲ။

ဒီလမှာအဖေဆုံးသွားတာမို့ လို့ လွမ်းလို့ မှတ်မိသလောက်စာရေးလိုက်တာပါ။

I Like Winnie Pooh

ဝင်းနီပူးဘယ်လောက်ကြိုက်လဲလို့ အိမ်မှာဘယ်နေရာကြည့်လိုက်ကြည့်လိုက် ဝင်းနီပူးချည်းဘဲ။ ဒါပေမဲ့ ဘေဘီပူး တော့မကြိုက်ဘူး။

ဝင်းနီပူးစတစ်ကာဆိုလဲဝယ်တာဘဲ ၊ ဝင်းနီပူးကွန်ပါဗူး ၊ ဓတ်ဗူး ၊ အရုပ် ၊ ဖိနပ် ၊ ခဲဖျက် ၊ လွယ်အိတ် ၊ မာဖလာ ၊ ဦးထုပ် ၊ ဘောပင် ၊ ယပ်တောင် ၊ အင်္ကျီ၊ စောင် ၊ ဖုန်းချိတ် ၊ သော့ချိတ် ၊ နာရီ ၊ ပိုက်ဆံအိတ် ရှိရှိသမျှအသုံးအဆောင်ကြိုက်တာတွေ့ ရင်ဝယ်ဘဲ။

အိမ်ကလဲမျက်ခုံးလှုပ်နေရတယ်။ ဒီလောက်ဝယ်တာရင်တထိတ်ထိတ်နဲ့ ပေါ့။ အရမ်းကြိုက်ရင်နှစ်ခုဝယ်ပစ်လိုက်တယ်။ တစ်ခုသုံးပြီးတစ်ခုကသိမ်းထားတယ်။

ကြွားတာမဟုတ်ဘူး ၊ အရမ်းကြိုက်တာပါ။ ဖြစ်နိုင်ရင်တစ်ကိုယ်လုံးကိုဝင်းနီပူးနဲ့ ခြုံထားလိုက်ချင်တယ်။

ဝင်းနီပူးဖုန်းဝယ်ဖို့ ကြိုးစားနေတယ်။

ဒီမှာကဝင်းနီပူး အင်္ကျီတွေ ဝယ်လို့ ရတယ်။ ဒစ်စနီး ကုမ္မဏီ က ထုတ်တာ။ ဈေးလဲသိပ်မကြီးပါဘူး။ တန်တာပေါ့ ၊ ကိုယ်ကြိုက်လို့ လားမသိဘူး ၊ အကုန်လုံးတန်နေတာဘဲ။

အဲဒါနှစ်တိုင်းဝယ်တယ်။ အဲဒါ ဒီနှစ် ဟိုတပတ်ကဝယ်မယ်ဆိုပြီး အင်္ကျီဆိုင်ကိုသွားတော့မရှိတော့ဘူး။ ကုမ္မဏီက သိမ်းသွားပြီတဲ့ ၊ စိတ်မကောင်းလိုက်တာ။ အိမ်ပြန်ရောက်တော့ပြောတယ်။ ဒါဆိုကိုယ့်မှာရှိတဲ့အင်္ကျီတွေလေလံတင်လို့ ရပြီလို့ ။ ဟဲဟဲ ၊ မတင်ပါဘူးနော် ၊ နောက်တာ။

နေမကောင်းဘူးဖြစ်နေပါတယ်။ ဒါကြောင့် post မတင်နိုင်ပါ။ အားလုံးဘဲစိတ်ပူကြလို့ ကျေးဇူးပါ။

တွေ့ဆုံပွဲလေး

ဩဂုတ်လ ၁၂ရက်နေ့ညက ကျုံးဟို ရဲ့ ဒန်တီကော်ဖီဆိုင်မှာ ဘလောက်ဂါများတွေ့ဆုံပွဲလေးပြုလုပ်ခဲ့ပါတယ်။ လူအများကြီးတော့မဟုတ်ပါဘူး။ အားလုံး ခုနှစ်ယောက်ပါ။ ကိုဒီကိုလာက စင်ကာပူကနေထိုင်ဝမ်ကိုလာလည်လို့ တွေ့ဖြစ်ကြတာပါ။ ကိုဒီကိုလာ ၊ ကိုမြစ်ကျိုးအင်း ၊ ကိုအဖြူလေး ၊ ဘလောက်တကာများရဲ့ ကိုသုဒြေ္န ၊ ဂျစ်တူးလေး ၊ မေဒီဇာ ၊ ဝင်းနီးပူး တို့တွေ့ဖြစ်ခဲ့ကြတာပါ။ တွေ့ဆုံပွဲလေးကရိုးရှင်းပေမဲ့ အားလုံးခင်မင်စရာကောင်းပါတယ်။ ဝါသနာတူတဲ့( အားလုံးကစာရေးချင်တဲ့)သူချင်းမို့ တွေ့ဆုံကြတာလို့ ကိုအဖြူလေးကပြောတယ်။

မကီကီက ည၁၁နာရီမှပြန်ရောက်မှာမို့ မလာဖြစ်ပါဘူးတဲ့။ ကိုနေလင်းကလဲ မြောင်လိကိုရောက်နေလို့မလာဖြစ်ပါ။ ဝါဝါကတော့ ညဘက်အလုပ်ဆင်းရမယ်ဆိုလားဘဲ။

သူတို့ဟာသူတို့တော့စကားတွေပြောကြတာဘဲ။ ဝင်းနီးပူးကတော့ ၁ခွန်းစ ၂ခွန်းစတော့ပြောပါတယ်။ သိပ်တော့လဲမပြောဖြစ်ပါဘူး။ ဘလောက်တကာများရဲ့ ကိုသုဒြေ္န နဲ့ မေဒီဇာကနောက်ကျမှရောက်လာတာပါ။ သူတို့လာတော့ဝိုင်းကပိုပြည့်စုံသွားပေမဲ့ ဝင်းနီးပူးက ပြန်ရမဲ့အချိန်ရောက်လို့ပြန်လာခဲ့တယ်။

ကိုကြီးသုဒြေ္နကရောက်တာနဲ့ စကားတွေအဆက်မပြတ်ပြောတယ်။ ပြောတဲ့စကားတွေကလဲ ပြည့်စုံပါပေတယ်။ ကိုယ်ကစာရေးတာမကောင်းဘူးလို့ ကိုယ့်ကိုယ်ထင်နေတာတွေကို ကိုကြီးသုဒြေ္န စကားကြားတော့ အားတက်သွားခဲ့ပါတယ်။ ကျေးဇူးပါကိုကြီးသုဒြေ္နရေ။ အဲဒီရက်က အကြာကြီးတာနေခွင့်ရခဲ့ရင် ဒီထက်တန်ဖိုးရှိတဲ့စကားတွေကြားရအုန်းမှာပါလေ။

ချင်းကွမ်းရန် 青光眼 （Glaucoma)

ဒီရောဂါကို မြန်မာပြည်မှာ သိတောင်မသိဘူး ၊ ကြားလဲမကြားဖူးဘူး။ မျက်လုံးထဲက ဖိအားများလို့ ဖြစ်တဲ့ရောဂါတဲ့။ ဖိအားများတိုင်း အဲဒီရောဂါဖြစ်ချင်မှဖြစ်တာလို့ ပြောကြတာဘဲ။ အားလုံးသိအောင်လို့ ပြောပြတာပါ။ သိပ်တော့မသိဘူး။ မှားသွားရင်လဲပြန်ပြောကြနော်။

မနှစ်က(2008) ဖေဖော်ဝါရီလောက်ထဲကမျက်လုံးက၁မျိုးဖြစ်ဖြစ်နေတယ်။ မျက်လုံးထဲကအောင့်တာလား ၊ ညောင်းတာလား ၊ ကိုက်တာလား မသိဘူး။ ကိုယ်တိုင်ကမျက်မှန်တတ်တော့ ပါဝါများတက်လားမသိဘူးလို့ တော့ထင်လိုက်တယ်။ အလုပ်လုပ်နေတာဆိုတော့ ကွန်ပြူတာကိုနေ့ မအားညမအား ကြည့်ဖြစ်နေတာကြောင့်လား ဆိုပြီး လားပေါင်းများစွာနဲ့ ဒီတိုင်းဘဲနေလိုက်တယ်။ အဲဒီအချိန်က အလုပ်တွေတအားများတော့ မျက်မှန်ပါဝါဆိုင်ကို အားမှဘဲသွားမယ်လို့ စိတ်ကူးတာပေါ့။ ဒီလိုဖြစ်နေရင်းနဲ့ မေလရောက်တော့ မျက်လုံးမှာ အပူဖုလေးပေါက်ရော ၊ မျက်လုံးနာတာပေါ့။ အဲဒါသွားမပြဘဲ အိမ်မှာရှိတဲ့ တတ်ထရာဆိုင်ကလင်းဘဲအားကိုးလိုက်တယ်။ မပျောက်ဘူး။

မပျောက်တော့ အိမ်နားမှာ မျက်လုံးပြလို့ရတဲ့ဆေးခန်း၁ခုရှိတယ်။ အဲကိုပြေးတာပေါ့။ အဲဒီရောက်တော့ မျက်လုံးကိုစက်တွေနဲ့ စမ်းသပ်တယ်။ အဲဒီမှာ မျက်လုံးကို ဖိအားတိုင်းတဲ့ကိရိယာလေးလဲရှိတယ်။ တိုင်းတော့ ဖိအားက ဘယ်ဘက် ၄၈ ၊ ညာဘက် ၄၆ တဲ့။ ဆရာဝန်မြင်ပြီးလန့် သွားတယ်။ အဲလောက်များတယ်ပေါ့။ မကောင်းဘူးတဲ့။ လူသာမန်တစ်ယောက် မျက်လုံးဖိအားက ၂၀ အတွင်းမှာဘဲရှိရမယ်တဲ့။ ဒါပေမဲ့ နောက်၁ပတ်ရောက်ရင် လာချိန်ကြည့်နော်တဲ့ ဆိုပြီး မျက်လုံးနာနေတာကို ပျောက်အောင်ဆေးပေးလိုက်တယ်။ အဲဒီတုန်းက ကိုယ်ကခပ်ပေါ့ပေါ့ဘဲ။ အဒေါ်လဲပါတယ်။ အဒေါ်က စိတ်တော့ပူနေတယ်။ အိမ်ရောက်တော့ အမေကိုပြောပြတယ်။ ဒီလိုဒီလိုဖြစ်နေတယ်လို့.။ အဒေါ်က အမေကိုပြောပြတယ်။ ဒီလိုဖိအားများရင် ရောဂါ၁မျိုးရှိတယ်တဲ့ ၊ ချင်းကွမ်းရန် 青光眼 （Glaucoma) အဲဒါဖြစ်ရင်ဘယ်လိုလုပ်မလဲတဲ့။ အဲဒါနဲ့ နောက်၁ပတ်တောင်မပြည့်ဘူး။ ထပ်သွားချိန်လိုက်တယ်။

ဖိအားက ဒီအတိုင်းဘဲမပြောင်းဘူး။ အဲဒါနဲ့ ဆရာဝန်လဲ အရေးကြီးတယ်ဆိုပြီး ဆေးရုံကြီးကိုလွှဲလိုက်တယ်။ ဆေးရုံရောက်တော့ ၁ရက်လုံးစက်တွေအများကြီးနဲ့ စစ်ဆေးခံရတယ်။ နောက်တစ်ရက်မှ ဆရာဝန်ကြီးနဲ့ တွေ့ ရတယ်။ ဆရာဝန်ကြီးကစမ်းလဲပြီးရော ၊ အရေးကြီးတယ်။ နောက်၂လနောက်ကျရင် မျက်လုံးကန်းနိုင်တယ်လို့ ပြောပါတယ်။ ချင်းကွမ်းရန် 青光眼 （Glaucoma) ဖြစ်နေတာလို့ ပြောပါတယ်။ မျက်လုံးဖိအားကျအောင်လို့ သောက်ဆေး၂မျိုးပေးတယ်။ မျက်စဉ်းဆေး၂မျိုးပေးတယ်။ အချိန်အတိကျထဲ့ခိုင်း ၊ သောက်ခိုင်းပါတယ်။ အရမ်းအရေးကြီးတယ်လို့လဲပြောလိုက်တယ်။ နောက်တစ်ရက်လာပြခိုင်းတယ်။ ဆေးသောက်ပြီး ဖိအားပြန်တိုင်းမယ်ပေါ့။ အဲဒီဆေးကသောက်ပြီး အရမ်းနေရခက်တယ်။ လူတကိုယ်လုံး ထုံနေတယ်။
နောက်တစ်ရက်ပြန်သွားပြတော့ ဖိအားက သိသိသာသာ ကျသွားတယ်။ ဘယ်ဘက် ၂၀ ၊ ညာဘက် ၁၆ ဘဲ ကျန်တော့တယ်။ အဲဒီတုန်းက စင်ကာပူကကျောင်းတတ်ဖို့ စာကလဲရောက်နေတော့ လူ၁ယောက်လုံး ဘယ်လိုလုပ်ရမှန်းမသိဘူး။

အဲဒါနဲ့ ဆရာဝန်က သောက်ဆေးရပ်ပြီး မျက်စဉ်းဘဲခပ်ခိုင်းတော့တယ်။ နောက်၁ပတ်ထပ်ချိန်းလိုက်တယ်။ နောက်၁ပတ်မှ ဆရာဝန်ကိုမေးရမှာပေါ့ ၊ စင်ကာပူသွားလို့ ရမရကို။ နောက်တစ်ပတ်ရောက်တော့ ဆရာဝန်ကိုမေးပါတယ်။ စင်ကာပူမှာစာသွားဖတ်လို့ ရမလားပေါ့။ ဆရာဝန်ကရပါတယ်တဲ့ ၊ ဒါပေမဲ့ ဘယ်နေရာရောက်ရောက် မျက်လုံးကတော့ ပုံမှန် စစ်ဆေးနေရမှာပေါ့လေ။ မျက်စဉ်းလဲအမြဲခပ်နေရမှာပါတဲ့။ အဲဒီလိုနဲ့ စင်ကာပူကျောင်းကို တစ်ပတ်နောက်ကျပြီးတက်ဖြစ်ခဲ့ပါတယ်။

ဒီရောဂါက လူကြီးတွေမှာ အဖြစ်များတယ်လို့ သိရပါတယ်။ မျိုးရိုးရှိရင်လဲဖြစ်တတ်တယ်လို့ သိရပါတယ်။ ဒါပေမဲ့ မျိုးရိုးမရှိလဲ ဖြစ်တတ်တယ်။ ရောဂါဖြစ်ရင် ဘာမှသိသာ ခံစားမှုမရှိဘူးတဲ့။ အဲဒါကြောင့်အသိနောက်ကျပြီး မျက်လုံးကန်းတာဖြစ်နိုင်ပါတယ်။ ဒါကြောင့်အားလုံးဘဲ မျက်လုံးဖိအား နဲ့ မျက်လုံး စမ်းသပ်ခြင်း ကို တစ်နှစ်တစ်ခါလုပ်ဖို့ အသိပေးလိုက်ပါတယ်။

အသေးစိတ်သိချင်ရင်တော့ google မှာ ရိုက်ပြီး ဖတ်ရှုနိုင်ပါတယ်။

ဆက်ဖတ်ကြည့်မယ် အကြောင်း

ဆက်ဖတ်ကြည့်မယ်ကိုနှိတ်ရင် ဘာမှပြောင်းလဲမှုမရှိဘူးဖြစ်နေပါတယ်။ တဲန်းပလိတ်လဲလိုက်တာ မလုပ်တတ်တော့ဘူး။ ခေါင်းစဉ်ကိုနှိတ်ပြီးဘဲ ဖတ်ကြပါလို့ ပြောပါရစေ။ အားလုံးကိုကျေးဇူးတင်ပါတယ်။